Actualitats
Canadà aurà son primièr musèu consagrat a l’art e la cultura dels inuits
Se donarà de noms en lengas autoctònas als espacis publics d’art e cultura
Canadà aurà son primièr musèu consagrat a l’art e la cultura dels inuits en febrièr de 2021 e l’intrada serà gratuita per totes los pòbles autoctòns, çò rapòrta Radio Canada. Li diràn Qaumajuq, qu’en inuktitut vòl dire “es luminós” per tal de celebrar la lutz que penètra dins lo nòu bastiment de l’arquitècte Michael Maltzan. Lo musèu farà partida del centre d’art inuit del Musèu de las Bèlas Arts de Winnipeg (Canadà) que desenant pren tanben lo nom de Qaumajuq e tanben un autre nom en lenga ojibwa, çò es Biindigin Biwaasayaah que vòl dire “intratz, l’alba de la lutz es aquí”.
L’iniciativa cèrca d’èsser un acte de descolonizacion e un sosten a la reconciliacion e la transmission de las culturas autoctònas per las generacions avenidoiras. Dins aquel sens, las lengas inuktitut, ojibwa, cri, dakota e métis seràn desenant cada còp mai presentas dins lo musèu de las bèlas arts de Winnipeg.
Segon l’istoriana e conservatriz del musèu canadian, Karine Duhamel, donar de noms autoctòns als espacis publics es “soslinhar la preséncia de las primièras nacions autoctònas tant suls plans istoric coma contemporanèu”. A mai, “es tanben trabalhar per la reconciliacion”.
Un gèst esmovent
Lo director del Musèu d’Arqueologia de Catalonha, l’occitan Jusèp Boya, s’es congostat d’aquela iniciativa. Per el, “ei ua excellent iniciatiua ena linha de «descolonizar» es musèus, e de retornar eth patrimòni e era dignitat a molti des pòbles e cultures colonizades per impèris e metropòlis, que se comence a hèr en molti païsi deth mon”.
L’iniciativa cèrca d’èsser un acte de descolonizacion e un sosten a la reconciliacion e la transmission de las culturas autoctònas per las generacions avenidoiras. Dins aquel sens, las lengas inuktitut, ojibwa, cri, dakota e métis seràn desenant cada còp mai presentas dins lo musèu de las bèlas arts de Winnipeg.
Segon l’istoriana e conservatriz del musèu canadian, Karine Duhamel, donar de noms autoctòns als espacis publics es “soslinhar la preséncia de las primièras nacions autoctònas tant suls plans istoric coma contemporanèu”. A mai, “es tanben trabalhar per la reconciliacion”.
Un gèst esmovent
Lo director del Musèu d’Arqueologia de Catalonha, l’occitan Jusèp Boya, s’es congostat d’aquela iniciativa. Per el, “ei ua excellent iniciatiua ena linha de «descolonizar» es musèus, e de retornar eth patrimòni e era dignitat a molti des pòbles e cultures colonizades per impèris e metropòlis, que se comence a hèr en molti païsi deth mon”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per que l'intrada gratuita sonque ta los pobles autoctòns? los que an mai necessitat de conèiser las culturas autoctònas son los non autoctòns.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari