Actualitats
Segon son avocata, lo jutjament d'Alan Berit-Debat es estat plan politizat
Lo procuraire a demandat 3 meses de preson amb un ajornament probatòri de 18 meses, e 80 oras de trabalh d'interès general
Lo militant occitanista Alan Berit-Debat sortiguèt dimars passat liure del tribunal de Pau. Segon son avocata, lo jutjament es en deliberacion fins al 5 de genièr que ven. Lo procès durèt una ora, de la quala 30 minutas foguèron las requisicions del procuraire, çò rapòrta Occitània Arroja. Acusan Berit-Debat d’otratge e de get de botelhas dins l’encastre de la novena jornada de protèsta dels Gilets Jaunes en genièr de 2019.
Après lo jutjament, l'avocata parlèt amb lo mond que s’èran acampats davant lo tribunal de la capitala bearnesa. Segon ela, "i a pas nada pròva au dorsièr, sonque dus testimònis" que segon Occitània Arroja serián lo del comandant de la polícia e de son menaire. A mai, segon la jurista, "que i a hèra de causas mauclaras, d'arreferéncias a ancianas manifestacions, de gents qui n'an pas vist arren, de vidèos qui ne balhan pas nada pròva..."
Aqueles testimònis afirmèron qu'Alan Berit-Debat insultèt lo comandant e son menaire. Lor auriá dich "nazis" e "vailets de l'estat".
Lo procuraire a demandat 3 meses de preson amb un ajornament probatòri de 18 meses, e 80 oras de trabalh d'interès general (TIG). "Segon lo procuraire, n'ei pas possible de'u eslargar pr'amor que significaré que los policièrs avossin mentit. E aquò n'ei pas possible entad eth. Qu'ei hèra politizat. N'i a pas pro d'elements a carga", çò precisèt l'avocata.
A 70 ans, Alan Berit-Debat assegura que refusarà de far los trabalhs d'interès general s'es condemnat.
Après lo jutjament, l'avocata parlèt amb lo mond que s’èran acampats davant lo tribunal de la capitala bearnesa. Segon ela, "i a pas nada pròva au dorsièr, sonque dus testimònis" que segon Occitània Arroja serián lo del comandant de la polícia e de son menaire. A mai, segon la jurista, "que i a hèra de causas mauclaras, d'arreferéncias a ancianas manifestacions, de gents qui n'an pas vist arren, de vidèos qui ne balhan pas nada pròva..."
Aqueles testimònis afirmèron qu'Alan Berit-Debat insultèt lo comandant e son menaire. Lor auriá dich "nazis" e "vailets de l'estat".
Lo procuraire a demandat 3 meses de preson amb un ajornament probatòri de 18 meses, e 80 oras de trabalh d'interès general (TIG). "Segon lo procuraire, n'ei pas possible de'u eslargar pr'amor que significaré que los policièrs avossin mentit. E aquò n'ei pas possible entad eth. Qu'ei hèra politizat. N'i a pas pro d'elements a carga", çò precisèt l'avocata.
A 70 ans, Alan Berit-Debat assegura que refusarà de far los trabalhs d'interès general s'es condemnat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Lectura tròp rapida. Que carrà donc aténder la senténcia dà poder díser se lo jutjament ei politizat o non.
Se compreni qu'estó liberat. En aqueste cas que seré mei juste de díser l'acusacion qu'estó politizada. Pas lo jutjament, puish a que la senténcia n'at estó pas.
La politizacion de la justícia corrís parallèlament a la judiciarizacion de la politica un pauc pertot dins lo mond. Es una pandemia : i a pas de diferéncia entre tal país d’America, d’Asia o d’Euròpa : es pas qu’una question de degrà. Veire lo tripatolhatge de l’afar Sarkòzy. Quant als jutges trumpistas, an degut prene de leiçons en cò dels jutges espanhòls...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari