Actualitats
Transgarona: an començat los trabalhs del tròç aranés
La pista ciclabla deu jónher Aran e Bordèu long de tota Garona
Lo Conselh General d’Aran a començat los trabalhs del tròç aranés de la Transgarona, una pista ciclabla que deu jónher Aran e Bordèu long de tota Garona. Lo primièr tròç aranés bastit es de 2,5 quilomètres e va de la frontièra estatala fins a Pònt d’Arrei sus l’intinerari d’un camin ancian.
Segon la sindica d’Aran, Maria Vergés, “damb era creacion d’aguesta rota ciclabla non sonque s’esten era aufèrta esportiva en nòste territòri senon que, ath delà, se cree un nau producte toristic e de mobilitat a nivèu internacionau”. A mai, segon Vergés, lo camin met en valor lo territòri, çò rapòrta lo sit del Conselh General d’Aran.
Un acòrdi panoccitan
Los trabalhs seguisson un acòrdi signat lo 18 de novembre de 2016, dins lo qual lo govèrn d’Aran e lo conselh departamental de Nauta Garona s’engatjavan a finalizar lo trajècte entre Aran e Tolosa, en traversant Comenge.
Segon aquel acòrdi, las doas administracions devon alestir una pista ciclabla de 28 km que connècte Vielha (Castièro) e Fronçac (Frontinhas e Bavartés) en jonhent la pista ciclabla existenta. Mancarà sonque de realizar lo tròç entre Marcahava (Volvèstre) e Portèth de Garona (Tolosan), e entre Vielha e Naut Aran per que tota Garona siá religada per una pista ciclabla. Lo projècte, avalorat a 3,5 milions d’èuros, es finançat pel programa de cooperacion transfrontalièra dels estats andorran, espanhòl e francés POCTÈFA.
Segon la sindica d’Aran, Maria Vergés, “damb era creacion d’aguesta rota ciclabla non sonque s’esten era aufèrta esportiva en nòste territòri senon que, ath delà, se cree un nau producte toristic e de mobilitat a nivèu internacionau”. A mai, segon Vergés, lo camin met en valor lo territòri, çò rapòrta lo sit del Conselh General d’Aran.
Un acòrdi panoccitan
Los trabalhs seguisson un acòrdi signat lo 18 de novembre de 2016, dins lo qual lo govèrn d’Aran e lo conselh departamental de Nauta Garona s’engatjavan a finalizar lo trajècte entre Aran e Tolosa, en traversant Comenge.
Segon aquel acòrdi, las doas administracions devon alestir una pista ciclabla de 28 km que connècte Vielha (Castièro) e Fronçac (Frontinhas e Bavartés) en jonhent la pista ciclabla existenta. Mancarà sonque de realizar lo tròç entre Marcahava (Volvèstre) e Portèth de Garona (Tolosan), e entre Vielha e Naut Aran per que tota Garona siá religada per una pista ciclabla. Lo projècte, avalorat a 3,5 milions d’èuros, es finançat pel programa de cooperacion transfrontalièra dels estats andorran, espanhòl e francés POCTÈFA.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Som anat de la Tor d'En Carol fins Tolosa en tren e lo camin es força polit.
Mancarà sonque de realizar lo tròç entre Marcahava (Volvèstre) e Portèth de Garona (Tolosan), e entre Vielha e Naut Aran per que tota Garona siá religada per una pista ciclabla ? Mas totun, Garona cor fins a Royan en França, e a la Punta de Grava de Medòc en Occitania, non ? Aquò es ja pro bèl, mas caldriá èsser mai ambiciós encara…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari