Bandièra01 capçalera 1180x150: Botiga

Actualitats

CulturaInternacionalSocietat

Atenas: an trobat un cap d’Ermès quand fasián de trabalhs dins los toats

Segon las primièras enquistas s’agiriá del fragment d’una colomna e seriá de la fin del sègle IV o del començament del sègle III abans lo Crist

D’emplegats del servici dels toats d’Atenas an trobat un cap fòrça grand que representa lo dieu Ermès, lo que segon la mitologia èra lo messatgièr de l’Olimp e lo guida del mond dels mòrts. L’escultura l’an descobèrta a un mètre e mièg de prigondor jos la Carrièra Aiolou, al centre vila.
 
Segon las primièras enquistas s’agiriá del fragment d’una colomna, representa lo dieu a l’edat adulta e seriá de la fin del sègle IV o del començament del sègle III abans lo Crist.
 
An depausat la trobalha a la Direccion de las Antiquitats de la capitala grèga.
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bernatmm Tarba
1.

Vejam se aquera aparicion en suspresa deth diu Ermès - a hèt deth son comportament - mos portarà bonas nauèras ?
- Un còp de vam en eths arrasoaments nòstis ? ara que mos trobam en horcadas e crotzadas de camins, eth que sabià autamplan adralhar tropèths e acompanhar eths òmis ath long deths destins de cada un.
- Uas lutzes enas cienças e justessa deths coneishements entà un progrés dera vita sus terra, eth que sabià autant multiplicar que repartir e qu'èra mestre de l'equilibre....
- Qu'èra en Hadès e que torna apareisher ena vila d'Athena / Menerva, era diusa dera sabièsa e que mia tarà patz.

  • 4
  • 0

Escriu un comentari sus aqueste article