Actualitats
Istòrias d’Eiriç per descobrir la natura
L’artista Florença Malafosse prepausa una seguida de filmes d’animacion en occitan per aprene de causas sus la vida de l’eiriç e tanben sus la vida dins lo jardin
Dempuèi lo mes d’abril, Leònia Dòna l’Eiriç se passeja suls rets socials... Se l’avètz pas encara vista es damatge, car amb ela auriatz aprés un molon de causas sus la vida de l’eiriç e tanben sus la vida dins lo jardin.
Florença Malafosse utiliza de filmes d’animacion cortets per contar la vida d’aquel encantaire pichòt animal que podètz rescontrar dins los pargues e los jardins, dins la serada o a l’alba. En occitan o en francés, cadun ne pòt aprene un fum sus la natura amb los diferents episòdis. I a ja 6 episòdis que contan quasi tot sus l’eiriç mas tanben sus los abitants del jardin.
Artista dempuèi longtemps, Malafosse a cercat lo biais de metre al servici de la descobèrta de la natura son amor per l’aqüarèla e sas facilitats d’escrivana. E atal fa descobrir lo bòsc e sos mistèris als pichòts e als grands, car tot lo mond apren gràcias a aquestas animacions.
Dempuèi lo començament, Florença a decidit de revirar las animacions en occitan. Ça que la, es en plena descobèrta de la lenga nòstra. Revirar las animacions es estat per ela tota una escomesa.
Lèu sortirà un nòu episòdi, mas qual animal va rescontrar aqueste còp Leònia? Aquò Florença o pas encara decidit... La volètz ajudar?
Las animacions son disponiblas sul sit web de Léonie Mme Herisson e tanben sus YouTube.
FM
Florença Malafosse utiliza de filmes d’animacion cortets per contar la vida d’aquel encantaire pichòt animal que podètz rescontrar dins los pargues e los jardins, dins la serada o a l’alba. En occitan o en francés, cadun ne pòt aprene un fum sus la natura amb los diferents episòdis. I a ja 6 episòdis que contan quasi tot sus l’eiriç mas tanben sus los abitants del jardin.
Artista dempuèi longtemps, Malafosse a cercat lo biais de metre al servici de la descobèrta de la natura son amor per l’aqüarèla e sas facilitats d’escrivana. E atal fa descobrir lo bòsc e sos mistèris als pichòts e als grands, car tot lo mond apren gràcias a aquestas animacions.
Dempuèi lo començament, Florença a decidit de revirar las animacions en occitan. Ça que la, es en plena descobèrta de la lenga nòstra. Revirar las animacions es estat per ela tota una escomesa.
Lèu sortirà un nòu episòdi, mas qual animal va rescontrar aqueste còp Leònia? Aquò Florença o pas encara decidit... La volètz ajudar?
Las animacions son disponiblas sul sit web de Léonie Mme Herisson e tanben sus YouTube.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca! Las novas generacions son visualas, vòlon veire e escoutar, mas pas legir. Los mainatges an besonh d'aquestes videos e autas causas similaras.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari