Diego Armando Maradona moriguèt ièr a 60 ans. L’esportiu argentin patiguèt un accident càrdiovascular ièr a son ostal dins la vila argentina de Tigre, qualques jorns après una operacion de cervèl. Darrièrament, sa santat èra fòrça marrida après qu'aguèt viscut sa vida sul talh del rasor.
 
Èra considerat coma un dels melhors jogadors de l’istòria del fotbòl. Se formèt a l’Argentinos Juniors, reüssiguèt al Boca Juniors ont venguèt una icòna. Lo Barça lo menariá en Euròpa ont contunhariá a Napòls, ont èra gaireben venerat. De mençonar que las doas unicas ligas que ganhèt l'esquipa de Nàpols o foguèron amb Maradona. Pasmens, Maradona serà mai que mai remembrat coma capitani de la seleccion d’Argentina, que venguèt campiona del Mond en 1986 en Mexic amb dos gòls contra Anglatèrra, l’un impressionant e l’autre polemic: segon l’estil de Maradona.