Bandièra01 capçalera 1180x150: Botiga

Actualitats

InternacionalPoliticaSocietat

Un eurodeputat omofòb ongrés a demissionat après que l’interpelèron dins una orgia gaia

Lo conservator József Szájer es un dels fondadors del partit de Viktor Orbán. A reconegut que participèt a un gang bang a Brussèlas en contravenent a las règlas sanitàrias

L’eurodeputat ongrés, József Szájer, fa partida de las 25 personas interpeladas divendres passat dins un gang bang clandestin interromput a Brussèlas car contraveniá a totas las règlas sanitàrias dins l’encastre de la lucha contra la covid-19. Se confisquèt de drògas. Szájer a reconegut sa participacion e a demissionat. Es un dels fondadors del Fidesz, lo partit conservator del primièr ministre Viktor Orbán e èra deputat europèu dempuèi 16 ans.
 
Las autoritats bèlgas an confirmat que dins la fèsta sexuala i aviá d’autres diplomatas, sens revelar d’identitats.
 
József Szájer anoncièt sa demission “après dos jorns de reflexion”. Reconeguèt sa participacion a l’orgia mas assegura que consumèt pas cap de dròga e que prepausèt als policièrs de se far un tèst instantanèu. L’elegit ongrés assegura que la pastilha d’ecstasy que la polícia li trobèt dins la pòcha èra pas siá, e que, tot comptat e rebatut, es sonque una error siá que la cal pas restacar al Fidesz. Tanben a demandat perdon a sa familha, a sos collègas e als electors que votèron per el.
 
Curiosament, Szájer es conegut per aver defendut de politicas omofòbas e per aver redigit el l’article de la Constitucion ongresa qu’enebís d’apelar “maridatge” las unions entre doas personas del meteis sèxe. A 59 ans e es maridat amb una jutgessa del Tribunal Constitucional d’Ongria.
 
 
 




abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
7.

#6 Que lo pastre, dins la montanha fringue amb sa cabra, se la cabra es consententa, rai ! ( segon lo vejaire de Lluis llach e de La Trinca)

  • 0
  • 0
Franc Bardòu
6.

Vesi tres problèmas respècte a aqueles faits :

1) un elegit se fot de las precaucions sanitàrias
2) d'autres diplomatas, amb un grand casernet de relacions publicas (e privadas) se chautan tanben de las precaucions sanitàrias
3) encara un elegit que sermona d'un costat per anar far la pantomima del costat opausat. Es una granda especialitat dels socialistas de dreita, sus d'autres plans, notament economics o nacionalistas. Mas aquí, èra una rasclanha moralista d'ultra-dreita, e aquò presenta un costat pro comic.

Après, que siá un òme sense còr, que se liura al sèxe eissorbat mailèu qu'a l'amor coral (e sonque après sensual), amb qui voldrà (de consentissent, plan segur) e como o voldrà, de tot aquò, ieu, me'n tondi.

  • 5
  • 0
Rigobert ambe Rigobert es l\'infern
5.

Aahah ! Enquèra un que se borrica dins la ròia, aquò rai se li agrada, agara que marca mal de far la maria-meca apèi !

  • 5
  • 0
Hold Up ? Dallas
4.

Puta, aprèp aquo fagatz-nos encara creire que lo bon poble se fai d'ideias fantasierosas e seria paranoïcament com-plo-tis-ta ! Tssss... E los noms dels autres diplomats de la partoza, es quand que las autoritats los van dire ?

  • 12
  • 0
Ah, Modernitat, quand nos agantas ! Village People (YMCA, boom, boom, boom...)
3.

Ah ! Ah ! Ah ! Lo Viktor Orban devria ésser content de veire qu'Ongaria s'es tan aisidament convertida a la modernitat ! Un plan bon escolan, òsca !

  • 6
  • 0

Escriu un comentari sus aqueste article