Bandièra01 1180x150: La Passem

Actualitats

InternacionalPolitica

De militars retirats espanhòls voldrián fusilhar 26 milions de ciutadans

Se declaran nostalgics de Franco que li dison “l’Inimitable”, e assolidan que cal “far quicòm de legal o d’illegal” contra l’Assemblada Nacionala Catalana

| Picasso
Un grop d’ancians nauts comandants militars espanhòls voldriá fusilhar 26 milions d’espanhòls e far un autre còp d’estat coma lo del dictator Francisco Franco. A mai, asseguran que cal “far quicòm de legal o d’illegal” contra l’Assemblada Nacionala Catalana. Es çò qu’an declarat dins una convèrsa de WhatsApp, çò a desvelat InfoLibre qu’a agut accès a aquela esglasianta convèrsa.
 
L’idèa de fusilhar 26 milions de ciutadans la diguèt dins aquel grop lo general Beca, qu’a ja mandat de letras polemicas al rei Felip VI en demandant son intervencion contra lo govèrn de Pedro Sánchez.
 
Lo Ministèri de la Defensa espanhòl a fach sa denóncia davant lo ministèri public.
 
Mentretant, dins l’estat espanhòl se crenh l’afinitat de l’armada espanhòla amb l’ultradrecha. Dins una carta interactiva que mòstra los resultats de las darrièras eleccions generalas en Espanha se pòt veire qu’ont se tròban las casèrnas militaras o policièras l’ultradrecha es la fòrça mai votada. Tanben o es al palais de la Zarzuela, la residéncia del rei Felip VI.

 




abonar los amics de Jornalet

 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Un vielh exmilitar espanyol que quan pren una copa de vin de garrafa, ja es pensa qu' es Paca la Culona o Hitler. Ja li disen que non bega pas ! Feran ben de portar lo a judici e que li donen una botelha de vin del dolent,e o cantarà tot, lo betsol !

  • 6
  • 0
Pitaluga
1.

Fa qualque temps ja qu'i a de rumors de sabres a Madrid. E lo rei n'es complici.
Quant a l'autre, lo paire, lo raubaire, ensaja de "regularizar" d'unas "irregularitats" per ensajar de salvar la cadièra de l'enfant. Risca pas res, fòrça espanhòls se'n foton de la corrucion generala de la drecha e de la familha reiala. Per eles i a res de pièger que de veire s'enanar Catalonha.
Aqueles amòrris asiran los catalans mas los vòlon gardar a tot pèrdre. Daissatz-lo s'enanar e totes en patz, medamne !
O es que coma dison los colonialistas : Que polida es Catalonha, Corsega, Marròc, Nòva Caledònia, Anglatèrra... Quina pena qu'i aja los catalans, còrses, marroquins, kanaks, angleses...

  • 19
  • 1

Escriu un comentari sus aqueste article