Bandièra01 capçalera  1180x150: Novestivada

Actualitats

Lo pilo permete un panèl bilenga

| Sébastien Donato

Dins diferents quartiers de Niça, dins lo sud de Gavotina (Coarasa, Levens, Entrevaus, Sant Esteve d'en Tiniá...) e en Provença orientala (Sant Laurenç, Canhas) trobam un juec que coma ditz la cançon "còsta manco un èuro", es lo pilo


Despí lo mes de mars de 2012, un acòrdi entre l'associacion Nissa Pilo, la comuna de Niça (Nissa) e la Metropòli Niça Còsta d'Azur permetèt d’oficialisar l’existença dal Pilodròme dal Mont Boron, una còla al sobran est dal pòrt de Niça.

Aquel panèl es escrich en francés e sota en occitan niçard. Un exemple da seguir, en esperant l'extension de panèls bilengas, dins totes las esfèras de la societat, e non solament dins quarques cantons istorics ò d'identitat.

Lo pilo un juec de jongla e se fa coma s’aguessiam un balon que deguesse sempre estaire en l’ària. Es un juec de carrièra ben populari.

Lo principi de basa es de far volar una pèça traucaa ò una rondèla metalica. Dins lo trauc se mete un volant fach de papier (la màger part dal temps) perfin de donar d’estabilitat al pilo. Se pòl jugar en faça a faça de cada part d'una rega traçaa al sòl ò, en equipa de doas personas sus un terren en forma de crotz.

Juec conoishut dins d'autres païses dal monde, es un simbèl de l'originalitat culturala occitana dins la region. Un libre li siguèt dedicat e Nux Vomica faguèt mai una cançon en onor dal pilo.

Los terrens oficials e ocasionals son recensats sus sit de pilo.


Laurenç Revèst

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Rasta Barba Castanhiers
2.

Cau escriure a la comuna de Nissa/ Niça per li demandar d'emplegar la grafia occitana. Es ver que la grafia utilisada dins 95 % dei cas per li afichatges/ documents/ bastiments/ plaqui de carrièri/ fèsti/ etc. es aquela. Mas bòn, es melhor que ren autrament, non ?

  • 0
  • 0
patoisant Menton
1.

I n'a pro de las grafia "patoises", non son pas capables d'escriure la R de "premier" !!

  • 0
  • 1

Escriu un comentari sus aqueste article