Bandièra01 1180x150: Comuna de Tolosa

Actualitats

Nòva Zelanda: Jacinda Ardern demanda perdon pels atemptats de Christchurch

Nòu meses après lo masèl islamofòb que tuèt 51 personas, “lo govèrn reconeis que s’èra centrat sonque sus la menaça jihadista”

En març de 2019 i aguèt un atemptat terrorista contra doas mosquetas a Christchurch, en Nòva Zelanda, amb un tragic bilanç de 51 personas mòrtas e un grand nombre de nafrats. Ara se ven de publicar lo resultat de l’enquista facha per una comission independenta. En consequéncia, la primièra ministra, Jacinda Ardern, ven de demandar publicament lo perdon per aver pas sauput prevenir l’atemptat. “Lo govèrn reconeis que s’èra centrat sonque sus la menaça jihadista”, çò a dich.
 
Ardern ne parlèt dins la conferéncia de premsa que presentava l’enquista, segon la quala las agéncias de seguretat e intelligéncia s’èran centradas sustot sus la menaça del terrorisme jihadista e avián mespresat las menaças del faissisme islamofòb.
 
 
Un terrorista radicalizat en França
 
L’assalhidor, Brenton Tarrent, d’ideologia ultradrechista islamofòba, retransmetèt lo crime en dirècte suls rets socials. Qualques minutas abans, aviá difusat un manifèst entitolat Lo grand remplaçament. Devèrs una nòva societat, ont expausava son ideologia d’extrèma drecha. Tanben sus las armas qu’empleguèt èran escriches de noms e de datas qu’evocavan de faissistas coneguts e de batalhas contra Al Andalus e l’Empèri Otoman. Son manifèst èra inspirat per l’assagista xenofòb Renaud Camus e parlava de “pòbles europèus remplaçats” per de populacions non europèas immigradas.
 
Segon lo geopolitològ Pascal Boniface, “es un sojorn en França que decidiguèt Brenton Tarrent a cometre un atemptat islamofòb”. D’efièch, lo terrorista argumentava sa radicalizacion en assegurant que los franceses son una minoritat dins qualques vilas e que “los envasidors son en França tota”. El afirmava aver estat frapat per “l’invasion” de las vilas de l’estat francés per d’immigrants e parlava del “desespèr” qu’aviá suscitat en el la victòria de Macron al segond torn de la presidenciala francesa fàcia a Marine Le Pen. “Ganhèt l’èx-banquièr internacionalista, globalista, antiblanc. La vertat de la situacion politica en Euròpa èra, subran, impossibla d’acceptar. Mon desespèr se refortiguèt. Ma cresença en una solucion democratica desapareissiá”, çò afirmava l’assalhidor dins son manifèst.
 
 
 
 
 

 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Maignial Galhac
2.

#1 M'estona pas un tal comentari venent d'un subrenomat "Candid", aqueste jornal faissista dels annadas 30 interditz aprèp la seconda guèrra mondiala... Mès lo terrorisme de l'extrema drecha fa de nombros mòrts atanben, e de mai en mai: https://www.youtube.com/watch?v=2eUf09yiYlo

  • 6
  • 5
Candid Pímpos
1.

Lo fait de faire dintrar de milierats de musulmans dins son país aumenta matematicament l'eventualitat d'aver un atemptat jihadista sus son territòri (pensatz al tuaire de S Paty, filh de refugiats Tchetchèns). Pensatz qu'a aqueste moment demandarà perdon ??? Quitament se l'aimi plan, es ben colha quand mèmes...

  • 8
  • 12

Escriu un comentari sus aqueste article