Bandièra01 1180x150: Comuna de Tolosa

Actualitats

crotz-tolosaCreated with Sketch.DaufinatBas DaufinatValentinés

Valença: se suprimirà las ajudas socialas a las familhas dels identificats per la polícia

Atal, la comuna vòl respondre a las violéncias urbanas que las an viscudas divèrses quartièrs de la vila en seguida de las diferentas protèstas ciutadanas

| Vila de Valença
Lo conselh municipal de Valença votèt, lo 14 de decembre de 2020, de suprimir las ajudas socialas de la comuna s’un des membres de la familha es estat condemnat per de trebols de l’òrdre public, s’a fach objècte d’un rapèl a l’òrdre o en cas de refus d’acompanhament, çò rapòrta France 3. Ni subvencion per la cantina, ni pels tiquets de transpòrt, accès a l’espòrt o a la cultura... Las ajudas suprimidas son, demest d’autras, lo Contracte Municipal d’Estudiant, los chècs espòrt e cultura, e las ajudas facultativas del Centre Comunal d’Accion Sociala.
 
“Supòrto pus qu’una minoritat d’enfants benefícien d’ajuas de la comuna dau temps qu’empachan de viure la majoritat dels abitants de lor quartier. Tustarem ont fa mau!” çò diguèt a France Bleu lo cònsol màger, Nicolas d’Aragon (LR), a l’endeman del vòte.
 
La mesura, que la considèra l’extrèma drecha de Marine Le Pen dins son programa electoral, es contestada per l’oposicion d’esquèrra qu’i vei una malescasuda de las accions socialas de la comuna e un risc d’aument dels delictes.
 
Atal, la comuna vòl respondre a las violéncias urbanas que las an viscudas diferents quartièrs de Valença amb lo bilanç de veituras incendiadas e de buses atacats a còps de pèiras. Las protèstas ciutadanas del començament de novembre s’acabèron amb una seissantena de personas identificadas qu’ara lors familhas trobaràn lors ajudas socialas suprimidas.

 
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

jtou vilamanda
4.

E a Paul Bismut van i retirar sas pensions e i demandar de rendre l'argent qu'a raubat ???? E si lo cònsol fa una cagada o es mes en examen lo conselh municipal es capable de votar los crèdits per pagar un avocat...

  • 1
  • 0
Franc Bardòu
3.

#2 Antirepublican ? Al reialme de las Espanhas, m'estonariá qu'aquò empachèsse un "Four Roses" non-decapitat de dormir tranquille…

Non es una decision de "salvatges", mas una decision fascista, o franquista, se mièlhs vos agrada… Los animals salvatges son plan mai nòbles qu'aquò, me sembla.

  • 8
  • 7
Maignial Galhac
2.

Es una vergonha! Non solamensa aquela mesura introduis una sanccion suplementaria e independenta de la de la justicia - çò es completament antirepublican; mès en mai, tocara d'innocents, enclauses los enfants. Es una decision de salvatges.

  • 12
  • 6
Rigobèrt
1.

Es justiciá justa coma ça diriá la Segolena. Cap de razon que los desbarataires del ben poblal, o dels bens particuliers, pagat pels impaus dels 40,4% dels fogals impausables dins Droma, toquesson d’ajudas de la comuna.

Recebre d’ajudas es en primièr luòc d’aver un captenement social digne e de respectar los bens poblals e los bens dels particulièrs. Empedís brica de diser mercés tanben ! L’ajuda es pas un degut es una facilitat accordada momentanament.

Dins Droma son 118 619 fogals impausables e 294 890 fogals non impausables.

L’impaus mejan per fogals impausables dins Droma es de 3194€

Dins lo Budget de Droma lo sotol social representa 53,62% dels budget

Droma es 280 monuments enscriches als monuments istòric de fransa e zero als monuments istorics d’Occitània.

  • 8
  • 13

Escriu un comentari sus aqueste article