Actualitats
Dani Gallardo: quatre ans de preson per un jovenòme que manifestèt a Madrid sa solidaritat amb Catalonha
Los jutges an aprovat la tèsi del ministèri public qu’assegura que Dani Gallardo agarriguèt un policièr amb un baston. La defensa denóncia de rapòrts contradictòris
Gallardo desmentís l’acusacion d’agression contra lo policièr e assegura que se metèt solament entre el e son amiga Elsa Vilki, per evitar que la batèsson mai. La sola pròva de l’agression que li n’acusan es la declaracion del policièr.
Elsa Vilki, l’an condemnada a un an per desòrdres. A mai, Gallardo deurà pagar 2100 èuros a l’agent e tant el coma Vilki devon donar 3500 èuros a la comuna de Madrid e mai un cinquen de las despensas judiciàrias.
Dani Gallardo e Elsa Vilki participèron a la manifestacion de Madrid en solidaritat amb los presonièrs politics catalans, mas tanlèu remarcar las primièras violéncias entre policièrs e manifestants, se n’anèron e partiguèron beure un còp a 800 mètres de l’endrech. Totun, las cargas de la polícia s’estendèron per tot lo centre vila de Madrid fins a la terrassa ont se trobavan. Alara divèrses agents antisusmautas preguèron Vilki e la tombèron sul sòl en la tustant. A aquel moment, espaventat, Gallardo assolida que s’interpausèt entre los agents e son amiga. Totes dos foguèron arrestats.
L’endeman, la jutgessa daissèt Vilki en libertat mas ordenèt la preson preventiva de Gallardo.
De contradiccions
L’avocat de Gallardo e Vilki a denonciat de contradiccions dins las declaracions dels policièrs. A mai, a presentat dos rapòrts del servici d’urgéncias medicalas de Madrid que detalhan que Gallardo e Vilki foguèron sonhats, un còp detenguts, a 22h30 mentre l’agent que denóncia una agression de Gallardo èra estat sonhat una ora abans dins un autre endrech de la vila.
L’avocat a anonciat que depausarà un recors contra aquela senténcia.
Mentretant, suls rets socials se manifèsta la solidaritat envèrs Dani Gallardo amb l’etiqueta #DaniLibertad.
Una barbaritat, un despropòsit vergonyós. El meu suport a Dani Gallardo. La llibertat d'expressió continua amenaçada, excepte per als militars retirats que pregonen afusellaments massius i pels qui ballen fent la salutació nazi. El rei i el govern els ho permeten. https://t.co/PlB3kkUoLI
— Carles Puigdemont (@KRLS) December 16, 2020
Gest meravellós de James Rhodes en català amb Dani Gallardo: la xarxa aplaudeix via #ENBlauhttps://t.co/PmsYvqbu1N
— ElNacional.cat (@elnacionalcat) December 17, 2020
El jove Dani Gallardo, condemnat a quatre anys i mig de presó per desordres públics i atemptat contra l'autoritat https://t.co/joUi2EGflO
— 324.cat (@324cat) December 17, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sembla mentida qu' encara li agin pogut aplicar la " lei mordaça". Aquesta lei que dona sempre tota la raçon a la version de la policia. Anulacion de la lei mordaça ja !
"Dani Gallardo e Elsa Vilki participèron a la manifestacion de Madrid en solidaritat amb los presonièrs politics catalans, mas tanlèu remarcar las primièras violéncias entre policièrs e manifestants, se n’anèron e partiguèron beure un còp a 800 mètres de l’endrech. Totun, las cargas de la polícia s’estendèron per tot lo centre vila de Madrid fins a la terrassa ont se trobavan. Alara divèrses agents antisusmautas preguèron Vilki e la tombèron sul sòl en la tustant. A aquel moment, espaventat, Gallardo assolida que s’interpausèt entre los agents e son amiga. Totes dos foguèron arrestats." La polícia franquista, amb son metòdi fascista caracterizat : d'istòria anciana, e d'actualitat brandanta ? Òm se creiriá a París aquelesddos darrièrs dissabte, a las manifestacions contra la refòrma securitària del marconisme ordinari… SOS democracia en dangièr : a qui cal telefonar ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari