Bandièra01 1180x150: País Invisible

Actualitats

La Nòva Zelanda donarà de vaccins gratuitament als païses de l’entorn

E mai lor donarà 65 milions de dolars coma ajudas al desvolopament

L’executiu de Jacinda Ardern a acordat la crompa de 18 milions de dòsis de vaccins anticovid-19 a Pfizer-BioNTech, Janssen, AstraZeneca e Novavax. La tòca es que i aja de vaccins per totes los abitants de la Nòva Zelanda e tanben dels païses de l’entorn
L’executiu de Jacinda Ardern a acordat la crompa de 18 milions de dòsis de vaccins anticovid-19 a Pfizer-BioNTech, Janssen, AstraZeneca e Novavax. La tòca es que i aja de vaccins per totes los abitants de la Nòva Zelanda e tanben dels païses de l’entorn | EPA EFE
La Nòva Zelanda donarà de vaccins gratuitament als païses de l’entorn coma las Illas Cook, Samoa o Tuvalu. L’executiu de Jacinda Ardern a acordat la crompa de 18 milions de dòsis de vaccins anticovid-19 a Pfizer-BioNTech, Janssen, AstraZeneca e Novavax. La tòca es que i aja de vaccins per totes los abitants de la Nòva Zelanda e tanben dels païses de l’entorn.
 
En mai d’aquò, lo govèrn neozelandés donarà 65 milions de dolars coma ajudas al desvolopament a las illas Tokelau, Cook, Niue, Samoa, Tònga e Tuvalu. S’agís d’estats amb pauc d’argent qu’autrament aurián fòrça dificultats per accedir al vaccin.
 
La Nòva Zelanda e un dels païses que a melhor gerit la crisi de la covid-19: de sos cinc milions d’abitants compta solament 2110 infectats e 25 mòrts dempuèi lo començament de la pandemia. Ten 12 000 professionals de la santat qualificats per administrar los vaccins e n’es a formar mai per poder vaccinar tota la populacion abans l’estiu. Los primièrs a recebre lo vaccin son los sectors mai expausats a la malautiá, valent a dire los emplegats de las frontièras, los professionals de la santat e los sonhants.
 
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

En aquestas circumstàncias que mos a tocar viure lo melhor es ajudar se.
Aprofit per donar vos los Molts d'Anys:

Ha vint -i- cinc de desembre, fum ,fum,fum !
" " " "
Ha nascut un minyonet ros e negre, ros e blanquet.
Fill de la Verge Maria, ha nascut a una establia, fum,fum,fum !

  • 5
  • 0
Maignial Galhac
1.

Esperi que farèm çò meteis per totes los paises que n'an besonh, lèu-lèu. Autrament, salirèm pas de la pandemia.

  • 12
  • 0

Escriu un comentari sus aqueste article