Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranIrissa

Oxitònia: son a far un vidèoclip sus un poèma de Xavi Gutiérrez

La formacion aranesa Es Paums a mes en musica lo poèma e n’a rodat un videoclip que presentarà al començament de 2021

La formacion aranesa Es Paums es a alestir lo videoclip Oxitònia, una cançon facha sus un poèma de Xavi Gutiérrez, que poirem veire suls rets socials al començament de 2021. Un vintenat d’actors del pais, guidats per la realizaira e actritz catalana Mireia Llunell. Lo clip se rodèt durant la dimenjada passada a Vilamòs, çò rapòrta Aué TV.
 
Xavi Gutiérrez es a l’ora d’ara un dels poètas araneses mai coneguts. Sa darrièra publicacion es Bestiauuu! Amàs poetic de bèsties, bestiòtes e bestieses (2019), una òbra amb una illustracion e un poèma per cadun dels animals de la fauna aranesa, e amb un vocabulari restacat, qu’es estat distribuït dins las escòlas de la Val d’Aran.
 
Es Paums son una banda musicala fondada a Vilamòs (Val d’Aran) en 1971, que pendent los ans 1980 e 1990 agiguèron coma orquèstra de bal per tot l’estat espanhòl. Actualament son venguts una associacion fòrça activa per la lenga, la cultura e la musica.





        
    
fffff fffff
 Oxitònia
 
Bastiram un país nau
damb paraules oxitones,
tà que non mos hèsquen mau
ne damb bombes ne damb hones
 
non credem enes pistòles
ne tanpòc enes gabiòles,
esborrem es epitafis
desbastim es cenotafis
 
non volem cap mès monarca
qu’eth nòste rei: Sent Pançard,
mo’n trufaram dera Parca
e viueram ar azard

aboliram es doctrines,
cremaram es guilhotines,
qu’èm un pòble atalentat
de bistèc e libertat
 
desarmaram as soldats
e lançaram en abisme
toti es ismes impausats,
servitud, colhonialisme
 
entà tornar a començar,
damb pro temps tà romançar
e soniar un nau avier
qu’entre toti haram a vier
 
 
Xavi Gutiérrez Riu
 
   



 

        

    































abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Associacion Es Paums Vilamòs
4.

DUS INSPECTORS UN SHINHAU ESTORDIDI:

Dupont: Bertranet, damb era mostacha dreta, un sh'alet quilhada

Dupond: Bertranon: damb era mostacha virada tà dehòra

Dupondt(es dus amassa): Bertrand.

Aqui qu'ac as!

  • 0
  • 0
francesc palma
3.

Una polida grafia portadora d' ideas grands. Nos cal veire lo resultat final. Mas per ara va pla.

  • 1
  • 0
Xavi
2.

#1 Mercés, Franc, amic e mèstre de poètes, peth tòn compliment: çò que sabi qu'ei, en part, aprenut de tu

  • 2
  • 0
Franc Bardòu
1.

Felicitacions al mieu fraire poèta Xavì, per aquesta polida capitada !

  • 2
  • 0

Escriu un comentari sus aqueste article