Bandièra01 1180x150: País Invisible

Actualitats

Nadal amb masca: d’imatges de calendas plan desparièras

| Rayner Peña R. / EFE.

Las fèstas de Nadal ongan son arribadas dins un encastre de restriccions a causa de la pandemia de la covid-19. Lo mond emmascat, lo Paire Nadal dins una urna de proteccion, de coas amb de mesuras de seguretat... Lo jornal catalan Vilaweb prepausa una seleccion d’imatges d’aquestas Calendas tant estranhas, que publicam en seguida.


Lo Paire Nadal a ja visitat la selva de Guatopo en Veneçuèla, en portant de joguets als mai desfavorits. Fotografia: Rayner Peña R. / EFE.
 
 
 
A Lima, la capitala de Peró, lo Paire Nadal a aculhit la vesita dels mai pichons, dins una urna per protegir e se protegir de la covid-19. Fotografia: Luis Ángel Gonzáles Taipe / EFE.
 
 
 
La minoritat crestiana paquistanesa a Lahaur a ja recebut la visita dels Magues, amb un desfilat sus de dromadaris autentics. Fotografia: Rahat Dar / EPA.
 
 
 
Malgrat lo confinament impausat coma mesura sanitària per l’Autoritat Nacionala Palestiniana, dins la Basilica de la Nativitat de Betelèm se festeja la naissença de Jèsus. Fotografia: Abed Al Hashlamou / EPA.
 
 
 
Doas femnas intran dins la tuta de la Basilica de la Nativitat, administrada a l’encòp per las confessions ortodòxa, catolica e armènia. Fotografia: Atef Safadi / EPA.
 
 
 
Un enfant abilhat en Paire Nadal vesita amb sa maire lo mercat popular que i a just davant la Glèisa de la Nativitat. Fotografia: Abed Al Hashlamou / EPA.
 
 
 
Doas personas desguisadas en Paire Nadal jògan sus la plaja de Tel Aviv. Fotografia: Abir Sultan / EPA.
 
 
 
De pompièrs se rescontran a l’entorn de l’arbre de Nadal quilhat coma tribut a las victimas de l’explosion del pòrt de Beirot del 4 d’agost passat. Fotografia: Nabil Mounzerai / EPA.
 


Malgrat la guèrra civila, lo Paire Nadal se passèja per las carrièras de Bad Touma, dins la vila vièlha de Damasc, la zòna de Siria amb mai de preséncia crestiana. Fotografia: Youssef Badawi / EPA.
 
 
 
La vila polonesa de Popowo ven pendent qualques jorns una version europèa de Las Vegas, amb de decòrs luminoses espectacloses. Fotografia: Lech Muszyński / EPA.
 
 
 
Un òme se passeja amb una masca per las carrièras de Moscòu davant una publicitat optimista del Paire Nadal. Fotografia: Maksim Shipenkov / EPA.
 
 
 
Lo mond rison jos l’arbre de Nadal decorat amb l’estil de l’epòca sovietica a Sant Petersborg. Fotografia: Anatoli Maltsev / EPA.
 
 
 
Lo polit decòr luminós del pargue Dzeguskalns, a Riga, en Letònia. Fotografia: Tom Kalnins / EPA.
 
 
 
Los lums al centre de Tbilissi, la capitala georgiana. Fotografia: Zurab Kurtsikidze / EPA
 
 
 
Los leons africans del zòo ongrés de Nyiregyhaza an ja lors presents. Fotografia: Attila Balázs / EPA.
 
 
 
Los Reis Magues, al Pozzo della Cava d’Orvieto, pòrtan de vaccins coma ofrendas. Mas lo govèrn italian a decretat lo barrament de totes los musèus, e aquò se poirà pas vesitar. Fotografia: Gianluigi Basilietti / EPA.
 
 
 
Excepcionalament, l’Espital de Sant Rafèl de Roma a permés, amb las mesuras de proteccion qu’an considerat necessàrias, las vesitas de Nadal a l’unitat de pediatria. Fotografia: Massimo Percossi / EPA.
 
 
 
Los abitants de Lausana fan coa en respectant la distància de seguretat, jos una publicitat del Paire Nadal que crida a liberar lo poder de Nadal. Fotografia: Laurent Gillieron / EPA.
 
 
 
Una fresca amb lo personatge del Grinch anóncia a Berlin qu’ongan Nadal es estat “cancelat”. Fotografia: Hayoung Jeon / EPA.
 
 
 
Lo dur confinament impausat en Alemanha fins en genièr empedís pas que lo mond illuminen lors balcons. Fotografia: Hayoung Jeon / EPA.
 


La Plaça Granda de Brussèlas, amb mens de vesitaires mas amb lo tradicional arbre de Nadal. Fotografia: Olivier Hoslet / EPA.
 
 
 
Lo Manneken Pis abilhat coma lo Paire Nadal a Brussèlas, un de sos 900 vestits. Fotografia: Olivier Hoslet / EPA.
 
 
 
Un professional de la santat se met jos un arbre de Nadal a Gangnam, dins lo sud de Corèa. Fotografia: Yonhap / EPA.
 
 
 
De joventas amb de mascas sanitàrias se fan de fotografias amb lo telefòn jos l’arbre de Nadal a Hong Kong. Fotografia: Miguel Candela / EPA.
 
 
 
Una femna vend los tradicionals capèls de Nadal d’inspiracion nordista, per las carrièras d’Hanòi. Fotografia: Luong Thai Linh / EPA.
 
 
 
Los avets, coma arbres de Nadal, son totjorn estonants per las carrièras d’Hanòi. Fotografia: Luong Thai Linh / EPA.
 
 
 
La comunautat crestiana de las illas Filipinas viu intensament las fèstas religiosas. Per Calendas, lo decòr illuminat ven espectaclós. Fotografia: Mark Cristino / EPA.
 
 
 
Un òme abilhat en Paire Nadal dirigís la circulacion per las carrièras de Bangkòk. Fotografia: Diego Azubel / EPA.
 
 
 
La distància sanitària es respectada pels qu’assistisson a las ceremònias religiosas dins la catedrala de Bali, Indonesia. Fotografia: Made Nagi / EPA.
 
 
 
Un vendeire expausa las figurinas nadalencas dins sa botiga de Colombo, per la minoritat crestiana de Sri Lanka. Fotografia: Chamila Karunrathne / EPA.
 
 
 
Un mainatge abilhat en Paire Nadal distribuís de mascas sanitàrias per las carrièras de Nòva Delhi. Fotografia: Rajat Gupta / EPA.
 
 
 
Un policièr de Nòva Yòrk se fa una fotografia davant l’aficha luminosa del cap de l’annada a Times Square. Fotografia: Peter Foley/ EPA.
 



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Lo Nadal es molt fotogenic, cal cercar l'imatge e clic!

  • 1
  • 0
Carles Schwab Monde
1.

I a pas de pandemia, arrestatz la propaganda per pegasses e endarrerits mentaus

  • 0
  • 11

Escriu un comentari sus aqueste article