Actualitats
Nòu disc de La Talvera dedicat a las revòltas e als combats socials
Entitolat A tu vai, lo disc bofa un vent de revòlta e poesia dins lo periòde arid e tristonet que traversam
La Talvera ven de publicar un nòu album entitolat A tu vai. S’agís d’un disc dedicat a las revòltas e als combats socials. Conten 14 títols en occitan, dont una cançon del cançonièr d’Armand Landes (1860-1936) e 13 tèmas de creacion pròpria.
Las cançons d’A tu vai parlan de la libertat, dels papièrs que nos demandan a cada recanton, de la Republica que marcha de reculons, de l’escalfament de la planeta...
Lo disc se pòt crompar dins la botiga de Còrdas d’Albigés e sul sit d’Internet de La Talvera. A mai, a partir del mes de febrièr serà dins las principalas botigas de disques del país e d’endacòm mai.
La Talvera es un grop de musica essencial a la revitalizacion e la difusion de la cultura occitana. Dempuèi 1979 explòra e enriquís lo repertòri tradicional occitan. Es atal que lo grop prepausa de musica de raiç tradicionala restacada a la modernitat e a las musicas del Mond entièr.
Per presentar aqueste darrièr trabalh talament engatjat, la còla de La Talvera a presentat divèrses videoclips dont en seguida publicam los darrièrs dos. “Sénher Francés” es un omenatge a totes los pòbles victimas de la colonizacion e “Buta butèrna” es una dedicacion especiala als que luchan contra totas las formas de dictatura.
Las cançons d’A tu vai parlan de la libertat, dels papièrs que nos demandan a cada recanton, de la Republica que marcha de reculons, de l’escalfament de la planeta...
Lo disc se pòt crompar dins la botiga de Còrdas d’Albigés e sul sit d’Internet de La Talvera. A mai, a partir del mes de febrièr serà dins las principalas botigas de disques del país e d’endacòm mai.
La Talvera es un grop de musica essencial a la revitalizacion e la difusion de la cultura occitana. Dempuèi 1979 explòra e enriquís lo repertòri tradicional occitan. Es atal que lo grop prepausa de musica de raiç tradicionala restacada a la modernitat e a las musicas del Mond entièr.
Per presentar aqueste darrièr trabalh talament engatjat, la còla de La Talvera a presentat divèrses videoclips dont en seguida publicam los darrièrs dos. “Sénher Francés” es un omenatge a totes los pòbles victimas de la colonizacion e “Buta butèrna” es una dedicacion especiala als que luchan contra totas las formas de dictatura.
 | La Talvera. A tu vai. 2020. 14 cançons, 59 minutas. CD + libret amb las paraulas en occitan e lors traduccions en francés. 12 èuros |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cantan pla e an un bon ritme que fa se bolegar e dansar.
"Podèm nos passar de flics, non pas dels legumes". Bandairòla de Nòstra-Dama-dels-Lanas, supausi... Bela conclusion pel clip.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari