Bandièra01 1180x150: Comuna de Tolosa

Actualitats

Nòva ofensiva militara turca contra Rojava

Turquia a profechat de la transicion presidenciala dels Estats Units per contunhar d’atacar lo Curdistan sirian

Pendent las darrièras doas setmanas, las Fòrças Democraticas de Siria an resistit als atacs de las milícias afiliadas a Turquia davant la passivitat de las fòrças russas
Pendent las darrièras doas setmanas, las Fòrças Democraticas de Siria an resistit als atacs de las milícias afiliadas a Turquia davant la passivitat de las fòrças russas | Ferran Domènech / Directa
Lo temps de Calendas es passat jos las bombas en Rojava. Dempuèi lo 15 de decembre, l’armada turca e las milícias opausantas de Siria atacan la vila de Bozanê (en arabi Ain Issa), a 40 km al nòrd de Raqqa. Situada sus l’autoestrada internacionala M4, la vila es un luòc estrategic per la connexion de Kobane a la rèsta de Rojava.
 
Segon Ciwan Mela, cònsol màger de Girê Xurma‎ (en arabi Tal Tamr), Turquia a profechat de la transicion presidenciala dels Estats Units per realizar una nòva operacion, çò rapòrta Directa.
 
Segon lo Conselh Civil de Bozanê, entre lo 15 e lo 20 de decembre los bombardaments tuèron una desena de personas e environ una quarantena ne foguèron nafradas. A mai, mai de 10 000 estatjants an perdut lors ostals e son desplaçats. Lo Conselh Civil avertís de “la duretat de venir desplaçat en plen ivèrn amb de temperaturas jos zèro gra”.
 
L’arribada de Joe Biden al poder als Estats Units “vòl pas dire que s’acaben los problèmas per Rojava”, çò a dich Thomas Mclure, analista del Centre d’Informacions de Rojava. A mai, Mclure crei pas que Russia pòsca ajudar Curdistan. “Erdoğan e Putin an emplegat sovent de durs metòdes un contra l’autre, mas totjorn se son enfin compreses, coma o avèm vist fa gaire amb lo conflicte entre Armenia e Azerbaitjan”.
 
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

cresi que los cuds aurian de pactar amb Russia. E res pus.

  • 2
  • 0

Escriu un comentari sus aqueste article