Actualitats
La justícia francesa s’interèssa als prèstes obtenguts pel Recampament Nacional
Lo parquet financièr de França (PNF) es estat destinatari d’un senhalament de Tracfin, que s’interèssa a las comissions tocadas per l’èx-eurodeputat Jean-Luc Schaffhauser
La justícia francesa s’interèssa a las condicions d’obtencion d’un prèst d’8 milions d’èuros que l'obtenguèt lo Recampament Nacional après las eleccions de 2017, quand lo partit d’extrèma drecha patissiá una enòrma dificultat financièra, çò rapòrta Mediapart. La justícia seriá mai que mai interessada per las comissions tocadas per l’intermediari dels prèstes, l’èx-eurodeputat Jean-Luc Schaffhauser.
Revelat pel meteis mèdia en octòbre de 2019, aquel prèst l’autregèt Laurent Foucher, un òme d’afars francés fòrça implantat en Africa e pròche de Claude Guéant. L’argent transitèt per una banca basada als Emirats Arabis Units e foguèt remborsat pel partit lepenista en març de 2018.
Segon Mediapart, lo parquet financièr de França (PNF) es estat destinatari d’un senhalament de Tracfin, la cellula antiblanquiment del Ministèri de l’Econonomia e de las Finanças. Aqueles elements son estats jonches a l’enquista preliminara ja en cors, dempuèi 2016, sus las comissions tocadas per Jean-Luc Schaffhauser e sas estructuras dins l’encastre de dos prèstes daverats pel Front nacional, vengut pus tard Recampament Nacional: lo prèst rus de 9,6 milions d’èuros en 2014; lo prèst de 8 milions d’èuros que transitèt via los Emirats Arabis Units en 2017.
Revelat pel meteis mèdia en octòbre de 2019, aquel prèst l’autregèt Laurent Foucher, un òme d’afars francés fòrça implantat en Africa e pròche de Claude Guéant. L’argent transitèt per una banca basada als Emirats Arabis Units e foguèt remborsat pel partit lepenista en març de 2018.
Segon Mediapart, lo parquet financièr de França (PNF) es estat destinatari d’un senhalament de Tracfin, la cellula antiblanquiment del Ministèri de l’Econonomia e de las Finanças. Aqueles elements son estats jonches a l’enquista preliminara ja en cors, dempuèi 2016, sus las comissions tocadas per Jean-Luc Schaffhauser e sas estructuras dins l’encastre de dos prèstes daverats pel Front nacional, vengut pus tard Recampament Nacional: lo prèst rus de 9,6 milions d’èuros en 2014; lo prèst de 8 milions d’èuros que transitèt via los Emirats Arabis Units en 2017.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Home ,ja era ora qu' investigassen per un pic als fachas.
"Cap haut, mans netas", èra pas lor eslogan ? :-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari