Actualitats
“Bona Annada”: la campanha per socializar l’occitan
Coma cada an, se tracta d’afichar la lenga occitana amb lo messatge calorós de la bona annada
Un an de mai es tornada la campanha de vòts “Bona Annada” per 2021. Coma cada an, se tracta d’afichar la lenga occitana amb lo messatge calorós de la “bona annada” adreiçat al public general, que conescan la lenga o pas, e de la far venir presenta dins la vida vidanta del país.
La campanha representa un milierat d’afichas, mas tanben 35 000 cartas de vòts dins tot l’oèst d’Occitània distribuidas a gratis dins los petits comèrcis, una difusion numerica de visuals e un filme d’animacion pels rets socials.
Lo visual d’ongan es lo resultat d’un concors intèrne a l’Escòla Superiora de las Arts e del Design dels Pirenèus. Demest un desenat de participants de segond cicle, s’es causit la proposicion de Lucie Roche qu’a emportat lo prèmi “dab un visuau calorós entà rescauhar los còrs deu monde per aqueras tempsadas tan particularas”, çò rapòrta Lo Congrès Permanent de la Lenga Occitana.
Aquela campanha existís dempuèi 2003 e cada an ten mai de partenaris, çò que la fa grandir, e rend de mai en mai presenta la lenga dins lo païsatge lingüistic d’Occitània. A l’ora d’ara, la campanha la sostenon Calandreta, l’Institut Occitan de Cultura (qu’amassa l’In-Òc e lo CIRDÒC), l’ÒPLO, los conselhs departamentals dels Pirenèus Atlantics e dels Nauts Pirenèus e tanben las regions qu’an pres lo nom d’Occitània e de Nòva Aquitània.
La campanha representa un milierat d’afichas, mas tanben 35 000 cartas de vòts dins tot l’oèst d’Occitània distribuidas a gratis dins los petits comèrcis, una difusion numerica de visuals e un filme d’animacion pels rets socials.
Lo visual d’ongan es lo resultat d’un concors intèrne a l’Escòla Superiora de las Arts e del Design dels Pirenèus. Demest un desenat de participants de segond cicle, s’es causit la proposicion de Lucie Roche qu’a emportat lo prèmi “dab un visuau calorós entà rescauhar los còrs deu monde per aqueras tempsadas tan particularas”, çò rapòrta Lo Congrès Permanent de la Lenga Occitana.
Aquela campanha existís dempuèi 2003 e cada an ten mai de partenaris, çò que la fa grandir, e rend de mai en mai presenta la lenga dins lo païsatge lingüistic d’Occitània. A l’ora d’ara, la campanha la sostenon Calandreta, l’Institut Occitan de Cultura (qu’amassa l’In-Òc e lo CIRDÒC), l’ÒPLO, los conselhs departamentals dels Pirenèus Atlantics e dels Nauts Pirenèus e tanben las regions qu’an pres lo nom d’Occitània e de Nòva Aquitània.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La forma escrita de l'Occitan moderne es perfeta e prestigiosa coma la grafia de la lenga antica.
Mas la fonetica:
Bòn(oe) annad(oe), coma o disia: Bernart de Ventadorn, Guilhem de Peitieu ,..a Las Lanas, Montpelhier, lo Catalan, Niçart, Aran,...
Bòna Annada, coma a Montpehier, Niça , Aran,....lo valencià
Bònne annade, coma l'amic de Lleida, e provençals.
Bòno annado, coma lo Requiem
Bonané, coma la ninoia de París.
Non s'enten lo que diu una femna al principi del video, al menhs quan jo l'ai posat. No va ben se talha tot d'una.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari