Actualitats
Lo ministre rus dels afars estrangièrs a reprochat a l’Union Europèa l’encarceracion dels presonièrs politics catalans
Lavrov planh la dobla morala de l’UE, que se tracha de Navalni mentre que daissa Espanha perseguir los independentistas catalans, quitament après las decisions dels tribunals alemands e bèlgas
Lo ministre dels afars estrangièrs de Russia, Sergei Lavrov, reprochèt divendres passat a l’Union Europèa l’encarceracion dels presonièrs politics catalans quand lo cap de la diplomacia europèa, Josep Borrell, èra a Moscòu per exigir la mesa en libertat de l’opausant Alexei Navalni. Lo ministre rus diguèt que Belgica e Alemanha avián contradich los tribunals espanhòls dins l’afar del referendum del 1r d’octòbre de 2017 e qu’”Espanha aviá defendut son sistèma judiciari”. “Metatz pas en question las decisions de nòstre sistèma judiciari”, çò diguèt Lavrov pendent una conferéncia de premsa amb Borrell, en l’acusant d’aplicar dos peses, doas mesuras. A mai, denoncièt que Russia èra estada acusada “sens cap de pròva” d’aver ajudat al referendum d’independéncia de Catalonha.
Lavrov remembrèt que Russia aviá pas jamai fach de comentaris publics a l’UE sus las “presumidas decisions judiciàriaspoliticament motivadas” per evitar de criticas a prepaus de l’afar Navalni. Lavrov qualifiquèt aquelas acusacions de “descortesas” e “arrogantas”.
Al començament de la conferéncia de premsa, lo Naut Representant de l’UE, Josep Borrell, aviá reclamat a Lavrov la mesa en libertat de l’opausant Alexei Navalni e la dobertura d’una enquista “imparciala” sus son empoisonament. Borrell diguèt que Brussèlas respectava “la sobeiranetat russa”, mas que “l’estat de drech, los dreches umans, la societat civila e la libertat politica” èran “centralas” per sas relacions amb Moscòu.
La reaccion del president de la Generalitat de Catalonha en exili, Carles Puigdemont, arribèt sul pic. “Tre lo primièr jorn avèm avertit l’UE qu’aver una dobla morala se paga fòrça car”, çò diguèt.
De son costat, la ministra espanhòla dels afars estrangièrs, Arancha González Laya, respondèt a Lavrov qu’en “Espanha i a pas de presonièrs politics mas de politicians presonièrs” e li preguèt que faguèsse pas de comparasons perque “son totjorn odiosas”.
Lavrov remembrèt que Russia aviá pas jamai fach de comentaris publics a l’UE sus las “presumidas decisions judiciàriaspoliticament motivadas” per evitar de criticas a prepaus de l’afar Navalni. Lavrov qualifiquèt aquelas acusacions de “descortesas” e “arrogantas”.
Al començament de la conferéncia de premsa, lo Naut Representant de l’UE, Josep Borrell, aviá reclamat a Lavrov la mesa en libertat de l’opausant Alexei Navalni e la dobertura d’una enquista “imparciala” sus son empoisonament. Borrell diguèt que Brussèlas respectava “la sobeiranetat russa”, mas que “l’estat de drech, los dreches umans, la societat civila e la libertat politica” èran “centralas” per sas relacions amb Moscòu.
La reaccion del president de la Generalitat de Catalonha en exili, Carles Puigdemont, arribèt sul pic. “Tre lo primièr jorn avèm avertit l’UE qu’aver una dobla morala se paga fòrça car”, çò diguèt.
De son costat, la ministra espanhòla dels afars estrangièrs, Arancha González Laya, respondèt a Lavrov qu’en “Espanha i a pas de presonièrs politics mas de politicians presonièrs” e li preguèt que faguèsse pas de comparasons perque “son totjorn odiosas”.
Lo del Lavrov al Borrell (i la UE) ha sigut amb la ma oberta directament!¡pic.twitter.com/jCymfLlT9r
— toni (@0punt0) February 5, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a molts d' elegits de l'UE qu' an demanat la dimission de Borrall. A qui se li ocorre anar a Moscou e se posar en plan guerrer, sabent qu' el era membre del Govern de l' estat ont i a mai presos politics del mond.
#2 Los russes ne sostienen pas los presonèrs politics catalans, e urosament: los catalans n’an pas besonh deu sostien deus dictators. Los russes que’s serveishen de çò deus presonèrs catalans tà refusar tota pression europèa de l’ahar de Navalny. Çò d’interessant ací qu’ei que demòstra la maishanta posicion de l’Euròpa per aver deishat hà’s lo jutjament e l’incarceracion de politics catalans.
#2 Dins las annadas trenta, quand la segonda republica sosteniá un projècte timidòt d'autonomisme catalan — encara luènh de l'actual independentisme catalano-escossés, per exemple —, la dreita reaccionària, aujòla de Ciutadanos e de Vox, clarinejava ja que s'agissiá d'un complòt judeo-marxo-maçonic per far espetar Espanha, Euròpa e assegurar lo règne mondial d'una collusion judaïco-musulmana. Un deliri inversemblable…
La dreitassa nacionalista e catolica espanhòla supremacista e racista — ja que considerant qu'unes pòbles son congenitalament faits per que d'autres los dominen — non n'es pas a sa primièra colhonada contra l'afirmacion nacionala catalana (e basca), se'n manca, e de plan long !!!
Los russes sostenon los presonièrs politics catalans. Una engautada per Borrell, mas una excusa de mai pels unionistas espanhòls de los relacionar amb los totalitaris. Avètz pas encara agachat lo vidèo de campanha de Ciutadans, ont compara Jordi Cuixart amb los fols del Capitòli? Lor balhi dètz jorns per comparar Junqueras amb Putin.
Pan sus lo nas ! Aganta aquò Berlingò !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari