Bandièra01 1180x150: Comuna de Tolosa

Actualitats

Marselha: l’Avenguda de las Aigaladas portarà desenant lo nom d’Ibrahim Ali

Après 25 ans de revendicacions, s’onora lo jove de 17 ans que foguèt tuat aquí en 1995 per un militant del Front Nacional

| @gillesrof
A partir d’uèi, l’Avenguda de las Aigaladas de Marselha portarà lo nom d’Ibrahim Ali, en onor de l’adolescent de 17 ans tuat lo 21 de febrièr de 1995 dins aquela meteissa carrièra per un militant del Front Nacional qu’èra a empegar d’afichas.
 
Èra una revendicacion dempuèi 25 ans que l’èx-cònsol màger Jean-Claude Gaudin refusava mai d’un còp en prepausar de donar lo nom del jove tuat a un giratòri. Mas uèi la redenominacion de l’avenguda s’aprovarà al conselh municipal dins lo qual l’esquèrra del nòu maire, Benoît Payan, ten pro de sostens. De veire qual serà lo vòte del partit conservador Los Republicans. Lo Recampament Nacional a ja anonciat que votarà «non» en qualificar lo rapòrt de “profanaire de la mòrt d’Ibrahim Ali”. De son costat, lo partit macronista La Republica en Marcha, que son representant a Marselha es d’origina comoriana coma o èra Ibrahim Ali, a volgut remarcat qu’Ibrahim Ali “lo tuèron perque èra nègre”, e que per tant s’agiguèt d’un “crime racista”, non pas d’una “question de senèstra ò drecha” mas d’“un combat umanista”.
 
 
Lo murtre
 
Ibrahim Ali èra un jove marselhés de 17 ans qu’aviá lo ciutadanatge francés e d’originas comorianas. Lo 21 de febrièr de 1995, lo tuèron dins l’avenguda qu’ara portarà son nom. Caminava amb un grop de dètz joves del grop de rap B. Vice quand rescontrèron tres partisans del Front Nacional de Jean-Marie Le Pen armats amb d’armas de fuòc qu’èran a empegar d’afichas de campanha. Los joves corrián, segon los testimònis, per mancar pas lo bus, mas los militants d’extrèma drecha los fusilhèron. Un bala atenguèt Ibrahim Ali dins l’esquina. Lo tiraire justifiquèt puèi son accion coma una responsa a una pretenduda agression dels joves.
 
 
Las reaccions dels lepenistas
 
“Almens aqueste lamentable incident a portat a l’atencion de totòm la preséncia a Marselha de 50 000 comorians. Que fan aicí?”, çò declarèt Jean-Marie Le Pen a prepaus d’aquel crime. Pasmens, après un autre assassinat d’immigrants per de militants de son partit, Le Pen declarèt: “Las personas que faguèron aquò son de delinquents e deurián èsser arrestats per la polícia”. De son caire, segon lo numèro 2 del Front Nacional, eurodeputat e conselhièr regional de Provença, Bruno Mégret, “l’encausa n’es l’immigracion massissa e descontrarotlada… se nòstreis afichaires èran pas armats, benlèu serián mòrts”, coma o raportet Le Méridional dins son edicion del 23 de febrièr de 1995.
 
 
Las consequéncias
 
Robert Lagier, l’autor del còp de fuòc mortal, foguèt reconegut colpable d’omicidi volontari, ansin coma de temptativas d’omicidis volontaris e de violéncias amb armas. Foguèt condemnat a 15 ans de reclusion criminala. Mario d’Ambrosio, autor de maites còps de fuòc, passèt dètz ans en preson per temptativas d’omicidis volontaris. Pierre Giglio, lo responsable del grop d’afichaires, foguèt condemnat a dos ans de preson per pòrt d’armas. Robert Lagier moriguèt en preson. De son latz, d’Ambrosio foguèt emplegat per la comuna de Vitròlas tanlèu mes en libertat.
 
 
  abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
8.

Es trist que desaparesga lo nom d' Avenguda de las Aigaladas un nom tradicional de carrer, que son los que s'aurien de conservar. Que levin lo nom de la carriera Paris , carrereta Napoleona Pompona ,Drecera Joaneta d'Arca,....

  • 0
  • 0
Reinat TOSCANO LO VAU
7.

#1 Pecat, efectivament, que si fague en escafant un nom occitan!

  • 4
  • 0
Franc Bardòu
6.

#4 E Ibn Arabî, Hallaj, Rûmî, Âttâr, Majnun Leila, los avètz legits, abans de vos trufar de ieu coma una armèla ? Las culturas arabofònas e personfònas son d'oceans de poèmas ede fòrça auta qualitat, e seriái encantat que vos, darrièr lo vòstre subrenom, pesquèssetz plan mai fin qu'eles en poténcia poëtica e espirituala… Avètz idèa de tot çò qu'Euròpa intellectuala e artistica deu als Ararbis e als Persans (4000 ans de civilizacions, aqueles…) ?

  • 7
  • 5
Jeff Bezos
5.

E cap de plaça, d'androna, de carrièra, per Laurà e Mauranne ecoteladas e tiadas lo 1 del mes d'octòbre 2017 a la gara sant Carles de Marselha ?

  • 14
  • 1
Pescafin
4.

#3 Se vos aviam pas calriá que vos inventèssem.
Mercé, car dempuèi la fin de La Catinon, nos mancava un personatge.

"Te vòls calar polisson que diràn que sèm de fenhants lo monde".....(Dominique)
"Avenguda Ibn Arabî, carrièra Rûmî, Andanas Hallaj,"...(vos).

  • 1
  • 4

Escriu un comentari sus aqueste article