Bandièra01 1180x150: País Invisible

Actualitats

Nòva Zelanda: an expulsat lo cap maòri del Parlament per portar pas de cravata

“Es pas una question de portar una cravata, es una question d’identitat culturala”, çò a denonciat Rawiri Waititi abans d’èsser expulsat

| @Rawiri_Waititi
Lo cap del Partit Maòri, Rawiri Waititi, l’an expulsat del Parlament de la Nòva Zelanda per aver refusat de portar una cravata. Lo reglament de la cambra obliga los deputats òmes de portar aquel accessòri a l’entorn del còl se vòlon prene la paraula pendent un debat. Totun, Waititi a decidit d’intervenir en tot far lusir un pendòri amb una pèira verda en plaça d’una cravata. Lo president de la cambra, Trevor Mallard, l’a avertit mai d'un còp, e fin finala l’a expulsat.
 
“Es pas una question de portar una cravata, es una question d’identitat culturala”, çò a denonciat lo cap del Partit Maòri mentre que quitava la sala. A mai, a qualificat las cravatas de “riban colonial” e a assegurat que l’actitud del president del Parlament èra  “inconscienta”.



 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Mas açò qu' es una passada de models de baissa costura. Colhoneras.

  • 0
  • 0
gwenael gillet st guironç
3.

me fa pensar al Ruffin que s'es prest una multa per portar un camisòt de fotbal al parlament.
Meteissa conaria?

  • 1
  • 0
Pitaluga
2.

I deu pas aver de jogaire de rugbi al parlament de Nòva Zelandia, ja que la carvata lor es interdicha !

  • 2
  • 0
Franc Bardòu
1.

Pertot ont règna l'unifòrme defugís l'esperit e se pèrd l'umanitat. L'umanitat es diversitat, o sonque fanga supremacista…

  • 6
  • 0

Escriu un comentari sus aqueste article