Actualitats
2d concors de racontes brèus en occitan Enric Garriga Trullols
Un concors literari de relats de tèma liure en quina varianta que siá de la lenga occitana en grafia classica
Los participants poiràn mandar, abans lo 26 de març, lors relats, fantastics, istorics, d’aventuras, policièrs... se s’agís de tèxtes originals e inedits que contengan entre 10 000 e 12 000 signes.
Una jurada compausada dels professors d’occitan del CAÒC decidirà quins laureats pòdon recebre los prèmis seguents:
— 2d prèmi: inscripcion gratuita a un cors d’occitan del CAÒC e mai 50 èuros
— 3n prèmi: inscripcion gratuita a la Pojada al Pòrt de Salau e mai 25 èuros
Se remetrà los guierdons lo 24 d’abril d’ongan dins un acte public e es previst que se publique un libre amb los racontes de mai nauta qualitat literària.
Trobaretz aicí lo reglament del concors.
Lo concors pòrta lo nom d’Enric Garriga Trullols (1926 - 2011), engenhaire quimista e activista politic catalan que consagrèt tota sa vida a trabalhar per l’independéncia dels Païses Catalans e a establir de ligams amb Occitània. Dins aquel sens, se batèt longtemps per far conéisser la realitat occitana en Catalonha e favorizar los escambis entre las doas culturas.
Coma resultat de l’edicion de l’an passat, se publiquèt lo libre Un dimenge d’estiva e d’autres racontes que podètz aquerir al CAÒC al prètz de 7 èuros.
Lo CAÒC organiza lo 2nd CONCORS DE RACONTES BRÈUS «ENRIC GARRIGA TRULLOLS».
— CAOC (@CAOC_) February 8, 2021
La matèria e lo genre dels racontes es liure e totas las variantas de lenga occitana son benvengudas.
Podètz consultar las basas aquí: https://t.co/T34h856hivpic.twitter.com/5wGILrGEYx
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari