Bandièra01 capçalera  1180x150: Novestivada

Actualitats

Nòva Zelanda: lo pòrt de la cravata al Parlament serà desenant facultatiu

Lo president del parlament monocameral neozelandés rectifica après la polemica expulsion del cap del Partit Maòri

| @Rawiri_Waititi
Lo pòrt de la cravata pels òmes serà desenant facultatiu al Parlament de la Nòva Zelanda. O anoncièt lo president d’aquel parlament monocameral, Trevor Mallard, après la polemica descadenada per l’expulsion del cap del Partit Maòri, Rawiri Waititi, perque refusava de portar aquel accessòri a l’entorn del còl en lo considerar coma una “imposicion culturala”.
 
“Coma president, guidat per la decision del comitat [d’ordenanças], la cravata se considerarà pas pus coma de besonh coma part de la tenguda formala”, çò diguèt Mallard dijòus passat, 11 de febrièr. Dos jorns abans, Mallard aviá expulsat Waititi del Parlament perqué preferissiá de portar lo tradicional hei-tiki maòri.
 
 
Devèrs una reconeissença de la cultura maòri
 
De son caire, lo govèrn trabalhista de la primièra ministra, Jacinda Ardern, vòl clarament reconéisser la cultura indigèna del país. 
 
Dins aquel sens, a decretat que lo cap d’an maòri serà fèsta nacionala a partir de 2022. A mai, a nomenat Nanaia Mahuta coma ministra dels afars exteriors de la Nòva Zelanda, la primièra femna maòri qu’assumís la direccion de la diplomacia neozelandesa. Fa dos ans, Ardern diguèt publicament a la television maòri del país que sa filha creisseriá en mestrejant las doas lengas: lo maòri e l’anglés. Segon Adern, lo maòri es una lenga oficiala que “bastís tanben nòstra compreneson per la cultura” perque, segon ela, “la lenga es lo còr de la cultura”.
 
Fa qualques ans, se crenhiá la mòrt de la lenga. Ara se reviscòla. Quitament i a de listas d’espèra per l’aprene. Ardern espèra de veire un milion de neozelandeses a parlar maòri en 2040. A l’ora d’ara, los maòris representan lo 17% de la populacion.

 
 
abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
1.

Mas imagini que son pas encara prèstes a acceptar, a wellington coma a París, un camiset a la François Ruffin.
Justament, ont ne son del protocòl vestimentari los autonomenats "representants del pòble "de la Cinquena ?
E avètz vist las vèstas plan cortetas e ridiculas que pòrta totes os òmes de la gentry ? Sembla qu'après los pompils de las femnas es vengut de mòda dins la nauta de far ressortir las gautas del cuol els òmes. Volèm que torne lo vestit de coa d'agaça, coma al temps del Pompidor ! Macron, un referendum sul sicut !

  • 2
  • 0

Escriu un comentari sus aqueste article