Bandièra01 1180x150: Comuna de Tolosa

Actualitats

InternacionalPoliticaSocietat

Espanha retira la darrièra estatua de Franco

L’estatua foguèt erigida a Melilla tres ans après la mòrt del dictator per commemorar son ròtle dins la Guèrra del Rif

| @foromemoria
La darrièra estatua del dictator espanhòl Francisco Franco, qu’èra visibla dins la vila de Melilla, en Africa del Nòrd, foguèt retirada dimars passat. L’estatua foguèt erigida dins la vila tres ans après la mòrt del dictator per commemorar son ròtle dins la Guèrra del Rif, una guèrra qu’aguèt luòc dins los ans 1920 e qu’opausèt Espanha e França als rebèls berbèrs. 
 
L’Assemblada de Melilla a votat per retirar aquela estatua, amb los vòtes contraris del partit d’extrèma drecha Vox. L’Assemblada, aital, se conforma a la Lei de la Memòria Istorica de 2007 que sollicitava lo retirament dels simbòls franquistas. Totun, rèsta en Espanha de nombroses noms de carrièras e simbòls franquistas totjorn presents dins l’espaci public. Per exemple, en Catalonha, region istoricament republicana, calguèt esperar fins en 2018 per que se retirèssel’agla franquista del Pont de l’Aiga a Girona.
 
 
 
Ruben Castellnou

 
 
   
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Daniel Codina Padrós Salt
8.

Anys enrere, hauria semblat "conspiranoic" dir que Joan Carles I robava als seus súbdits i ara ho sap tothom.

  • 4
  • 0
Franc Bardòu
7.

#6 Si, si, car Renat, pòdes far un referendum :

Volètz :

1) Lo maten de l'unitat de l Reialme d'Espanha ?
2) La dependéncia de totala de Cataunya a España, una, grande y supremacista e tot çò mai… ?

Aqueste referendum, si que lo pòdes organizar…

  • 4
  • 1
Reinat TOSCANO LO VAU
6.

#5 "E l'ONU arriba pas a impausar lo referendum d'autodeterminacion."
Coma? Dina la democracia d'Espanha seria doncas enebit de faire un referendum d'autodeterminacion?

  • 4
  • 0
Pitaluga
5.

#4
Melilla es una colonia. Ai un amic que, quand li demandon s'es espanhòl, respond :
- Ieu ? Soi apatrida, perque soi nascut a Melilla.
Lo sol que parlava clar sul sicut èra Santiago Carrillo, que diguèt :
- Se Espanha vòl recuperar Gibraltar, cal que siaga consequenta e que tòrne Ceuta e Melilla a Marròc.
Mentretant, los govèrnaments espanhòls successions an daissat lo Sahara Occidental dins las àrpias de Rabat. E l'ONU arriba pas a impausar lo referendum d'autodeterminacion.

  • 6
  • 0
francesc Palma
4.

No m'estranya a Melilha los votants militars la majoria, devien ser del pp .

  • 5
  • 1

Escriu un comentari sus aqueste article