Bandièra01 capçalera  1180x150: Novestivada

Actualitats

Mexic: an desvolopat una aplicacion mobila per las lengas autoctònas

I cabon 10 000 mots e un centenat de tèxtes en un quinzenat de lengas, e es previst qu’arribe a 60 lengas

| Cobertura 360
D’estudiants de l’Universitat Autonòma de Chapingo, en Mexic, an desvolopat una aplicacion per telefòns intelligents e tauletas que compren de diccionaris de 15 lengas originàrias e, per ara, aperaquí 10 000 mots e un centenat de tèxtes. La tòca per l’estiu es d’aténher las 60 lengas que se parlan dins aquela universitat.
 
Apelada MiyotlApp, l’aplicacion se presentèt la setmana passada a l’escasença del jorn internacional de la lenga mairala e son objectiu es d’ajudar a la comunicacion de las personas que vesitan los territòris ont se parla aquelas lengas. 
 
Delà los 15 diccionaris, MiyotlApp conten de tèxtes sus la gastronomia, las tradicions, la natura, de contes, de poèmas, etc. dels diferents territòris. A una estapa seguenta, s’apondrà a l’aplicacion una manièra mai eficaça d’ajustar de mots . “L’idèa es mai que d’entrepausar las lengas mairalas, volèm desvolopar la consciéncia e la reflexion sul fach qu’avèm una riquesa culturala que cal preservar, que cal èsser mai inclusius e responsables amb nòstras raices”, çò dison.
 
Lo nom del projècte ven del mot nahuatl miyotl que vòl dire rai de lutz.
 
Mai d’informacion sus proyecto-miyotl.web.app




 



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Una bona eina per lo respecte de las culturas, per un estat ont i a 60 lengas, ara van per la 15 ena. Los queda molt que far, mas lo camins elegit es lo correcte.

  • 2
  • 0
Franc Bardòu
1.

Al Mexic an desvolopat una aplicacion mobila per las lengas autoctònas que permetrà a la políca de repairar lors defensors ont que sián, mai que mai se manifèstan ?

  • 3
  • 3

Escriu un comentari sus aqueste article