Bandièra01 1180x150: País Invisible

Actualitats

Lo papa Francés es tornat d’una vesita istorica en Iraq

Amb la tòca d’encoratjar los crestians del país, lo pontife s’es remembrat dels iaziditas e s’es amassat amb l’aiatollà Ali Al Sistani

| Vatican News
Lo papa Francés tornèt ièr d’una vesita istorica de tres jorns en Iraq e Curdistan, dins un viatge sens incidents. Abans de quitar aquela tèrra qualificada pel pontife de “martirizada”, Francés apelèt los crestians de la region de “se desencoratjar pas”. En mai d’assolar la minoritat crestiana, Francés aguèt una pensada pels iaziditas.
 
Long de sa vesita, lo papa rescontrèt los crestians d’Orient en vesitant de vilas de majoritat crestiana, dont Qaraqosh, que foguèt ocupada per l’Estat Islamic. A mai, vesitèt lo sit ont se trobava Ur, la vila originària d’Abraham segon la tradicion, lo profèta reconegut coma paire de las tres religions del Libre, lo judaïsme, lo cristianisme e l’islam.
 
De soslinhar la reünion que Francés tenguèt amb l’aiatollah Ali Al Sistani, un de las autoritats pus grandas del shiisme, la comunautat religiosa majoritària del país. La reünion foguèt privada e durèt un pauc mens d’una ora. Se considèra coma un gèst istoric entre las relacions entre lo Vatican e l’Islam.
 
Per far aquel viatge, lo pontife e son cortègi se son vaccinats contra la covid-19.
 


 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

A fai molt ben lo Papa d'anar a Irac, un pais ont los iancos an destrossat e apropiat e ont la gent viu molt malament. Un toc d'atencion a l' imperialisme que fa guerras per raubar las materias primeras coma lo petroli, l'aigua, matant a tot lo que sels pose per davant. L'imperialisme criminal per on passen non torna jamai a sortir l'erba. Deien los imperialistas ioncos que Sadam avia armas de destruccion massivas,"lo petroli".

  • 3
  • 0

Escriu un comentari sus aqueste article