Bandièra01 capçalera  1180x150: Novestivada

Actualitats

Senegal: revòlta après l’arrestacion de l’opausant Ousmane Sonko

Es estada lo detonador d’una revòlta sociala que se prevesiá dins un país encara colonizat economicament. Almens sèt personas son mòrtas e se compta mai de 240 nafrats

| Cheikh Khalil mbacke
Almens sèt mòrts e environ 240 nafrats es lo tragic bilanç de la revòlta en Senegal sortida de las protèstas contra la detencion de l’opausant Ousmane Sonko. Sonko es un dirigent del partit dels Patriòtas de Senegal pel Trabalh, l’Etica e la Fraternitat (PASTÈF);  l’an arrestat per “aver alterat l’òrdre public” a Dakar mentre que lo menavan davant un tribunal per una acusacion de viòl, que Sonko rebuta en assegurant qu’es una invencion del partit governamental. Divendres, li levèron l’immunitat parlamentària per lo poder arrestar.
 
Diluns passat, Sonko foguèt liberat jos contraròtle judiciari. Las tensions per carrièras persistisson, çò rapòrta Le Monde.
 
 
Repression, assassinats e blocatge informatiu
 
Ousmane Sonko es lo principal opausant del president Macky Sall. Sa detencion a provocat una colèra populara de las dimensions impressionantas amb l’incendi e lo pilhatge de botigas e de sits, mai que mai d’entrepresas francesas. Lo govèrn a desplegat l’armada per carrièras.
 
Lo govèrn del president Macky Sall a blocat los rets socials. E mai se denóncia de detencions illegalas e l’engatjament de tuaires professionals.
 
 
Encara la colonizacion
 
La detencion de Sonko es estada lo detonador d’una revòlta sociala que se prevesiá dempuèi longtemps dins un país paure, que maites abitants ne son forçats d’emigrar e ont encara, jos lo trauma de la colonizacion, los abitants veson que las grandas poténcias economicas del país coma l’energia e los supermercats son francesas.
 
De soslinhar qu’en 2022 deu començar l’esplecha d’un enòrme depaus de gas e qu’en 2023 començarà l’extraccion de petròli.


 
 
 



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Se la França era la potencia colonizadora pot passar de tot, pus de mal que de bon.

  • 1
  • 0

Escriu un comentari sus aqueste article