Bandièra01 1180x150: País Invisible

Actualitats

crotz-tolosaCreated with Sketch.Valadas Occitanas

Las Valadas occitanas tornarmai en confinament

Las mesuras deurián èsser prolongadas fins al 5 d’abril, diluns de Pascas, a causa de l’aument exponencial dels cases de covid-19

Las Valadas occitanas de Piemont passan uèi totas en confinament. La mesura se considèra necessària vist l’aument exponencial dels cases dins tota la region.
 
Lo confinament es pus leugièr que l’an passat mas prevei totun lo barrament de las botigas, dels perruquièrs e dels esteticians. Las fabricas, las cavas los centres comercials rèstan dobèrts. Serà permés de se passejar a l’entorn de l’ostal. Lo cobrifuòc es confirmat de 22h a 5h. Las ostalariás e los restaurants èran ja tancats dempuèi doas setmanas.
 
Lo rapòrt del 13 de març senhala 204 positius a Bueves (Vals Vermenanha e Pes), 131 al Borg Sant Dalmatz (Val Ges), 31 a Sarvasca (Val Grana), 38 a Draonier (Val Maira). La situacion pus grèva se remarca en Val Pò (en confinament dempuèi lo 3 de març) ont se compta 22 cases a Sant Frònt, 50 a Paisana, 83 a Barge, 70 a Banhòl, 23 a Envie. La situacion es grèva tanben en Val Pèlis: Lusèrna Sant Joan amb 61 cases, la Torre de Pèlis amb 42, Bibiana amb 43. La situacion es leugièrament melhora en Val Susa. L’aument dels cases s’explica per la prevaléncia dels cases de la varianta britanica.
 
Las mesuras deurián èsser prolongadas fins al 5 d’abril (diluns de Pascas, fèsta fòrça presada dins las Valadas). Lo ministre italian de l’Interior a anonciat que se contrarotlariá mai lo respècte de las règlas.
 
 
 
 
Mattia Pepino/Redaccion



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article