Bandièra01 1180x150: Comuna de Tolosa

Actualitats

Estats Units: almens uèch personas mòrtas dins tres locals de massatges asiatics

La polícia a arrestat un jove de 21 ans coma presumit murtrièr. Lo racisme antiasiatic s’es triplat dempuèi la pandemia

Almens 8 personas moriguèron dimars passat après las fusilhadas que las aguèron patidas tres locals de massatges asiatic dins l’estat de Georgia (Estats Units). La polícia a arrestat un jove de 21 ans coma presumit murtrièr.
 
La primièra ataca se tenguèt a 17h dins un establiment dich Young’s Asian Massage Parlor, a unes 50 km d’Atlanta. L’agressor fusilhet las personas presentas en ne tuant 4 e ne nafrant doas autras. 45 minutas pus tard, l’assalhidor intrèt dins dos locals de la vila d’Atlanta, nomenats Aromatherapy Spa e Gold Spa, per tuar doas personas dins cada establiment.
 
 
Un masèl racista
 
L’agression poiriá èsser racista. Segon la presidenta del Partit Democrata de Geòrgia, Géorgie Nikema Williams, “aquela ataca seguís malastrosament la tendéncia d’actes violents contra los estatsunidencs d’origina asiatica que son espelits en seguida de la pandemia”. De soslinhar qu’en aquel estat demòra mièg milion d’abitants d’origina asiatica, çò que representa lo 4% de la populacion.
 
 
Se triplan los crimes asiaticofobics
 
Segon lo Centre d’Estudi de l’Òdi e de l’Extremisme de San Bernardino, en Califòrnia, s’enregistrèt en 2020 122 crimes racistas contra d’asiatics, çò es tres còps mai qu’en 2019.
 
Mentretant, la polícia de Nòva York a decidit de refortir las patrolhas de susvelhança dins los quartièrs ont i a un grand nombre d’abitants d’origina asiatica.
 
 


abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pep Carvalho Barrio Chino
3.

De massatges practicats per, coma es explicitament e complasament precisat, "de joinas drollas asiaticas" (Young Asians Girls in v.o.) i-a que lo darrièr dels nècis per pas comprene qu'es ni mai ni mens que l'eufemisme del mot occitan "bordel". Puslèu qu'un crimi racista pensariai puslèu a un murtre de venjança d'un client afogat d'aqueles ostals d'especialitats particuliaras. En clar lo tipe s'es venjat d'una puta en ne maselant tot un fais.

  • 9
  • 3
Batko
2.

#1 Es complicat de véser entre la pista anti-asiatica e la pista anti-massatges. Espèri que Colomba va enquistar ...

  • 8
  • 3
Pierre LACHAUD
1.

Un jorn saubra qual son los vertadiers responasblas d'aqueus meurtres e sera benleu pas l'anti-asiatic.
Es totjorn l'ocasion per Jornalet de far valer un terme en fobic. (asiaticofobics). E quand los democratezs parlan es totjorn la vertat. Sabam totjorn pas qui a assassinat Kenedy o los responsables de l'attentat du mes de septembre 2001 contre doas torns jumelas de New York

  • 1
  • 12

Escriu un comentari sus aqueste article