Bandièra01 1180x150: Comuna de Tolosa

Actualitats

EnvironamentSocietat
crotz-tolosaCreated with Sketch.LengadòcComtat de FoisSavartés

An panat de centenats d’arbres dins los bòsques de Savartés

Dotze proprietaris an portat denóncia après aver descobèrt lo pilhatge de lors bòsques de roires e serentas

An panat de centenats d’arbres de plusors parcèlas forestièras a Pèrlas e Castelhet (Savartés), mai que mai de roires e de serentas centenàrias, çò rapòrta Le Figaro. Los petits propietaris d’aqueles bòsques son estats despolhats de lors arbres pendent lo confinament. En tot, dotze denóncias son estadas depausadas a la gendarmariá de la vila d’Ax e lo dorsièr es estat transmés al procuraire de Fois.
 
 
Profechavan del cobrifuòc per evacuar la lenha
 
Los panaires serián estats fòrt plan esquipats. Emportavan sonque lo tronc en daissant sus plaça lo cap e las brancas. Profechavan lo cobrifuòc a 18h per evacuar la lenha. Segon un expèrt forestièr, l’evacuacion de totes aqueles arbres correspondriá al volum de 35 camions pòrtatroncs.
 
 
Un ressèc de Lhèida
 
L’alèrta la donèron Yves e Hélène Rameil, un parelh de retirats del vilatge. “Èra lo 25 o lo 27 de febrièr. Fasiá mai d’un jorn qu’ausissiam lo bruch de tronçonadoiras”, çò ditz Hélène al quotidian francés. “Amb mon marit anèrem sus plaça [...] Quin foguèt nòstre chòc de veire quatre o cinc boscatièrs a los copar! Lor demandèrem d’arrestar sul pic. Nos respondèron en un francés aproximatiu qu’avián l’òrdre de lor patron. Apelèrem lo cònsol e prenguèrem de fòtos de lors veïculs tot-terren”. Las placas d’immatriculacion èran espanhòlas e los bracièrs aurián un accent eslau.
 
Lo cònsol màger de Pèrlas e Castelhet, Gérard Durand, se ditz susprés “per l’amplor dels degalhs”. Aqueste ditz que parlèt amb los bracièrs que li diguèron que s’èran enganats de parcèla. “Ai pogut parlar amb lor patron a Lhèida, David Bautista. Los boscassièrs arrestèron e partiguèron”. Contactat pels jornalistas de Le Figaro, David Bautista a solament respondut qu’aviá “pas res a declarar sus aquel afar”.
 
Malastrosament, i a agut de victimas endacòm mai, per exemple a Orgeish (Savartés), al Pla (Donasan) e tanben als vilatges del Bosquet e de Marsan al País de Saut lengadocian.
 
 

 
 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

En Espanha i a una còla de golamasses dins lo patronat que los patrons piégers de nòstre son plan manhacs a costat.
Basta veire los degalhs mostruoses sus tota la còsta miègterranenca, plan mai grands qu'en Lengadòc e Provença, s'èra encara possible.

  • 4
  • 0
Mèfi! 31
1.

"Castelhet" : grafia
Aquò es la grafia foneticament conforma al díser local.
Se tapa endacòm mai casteret, castelet...
Tôt coma castel, castelh, casteth, castèu,....
Le mot primièr romanic etimologic es "castell castellet", que la dobla LL prend totas me as de variantas foneticas dialectalas o locales.
Aquesta centralitat grafica se pòt conèisser de totòm, e se pòt oralizar primièr de biais neutre e de seguida de la mòda locala personala.
L'aprenent pòt i adaptar totas variantas foneticas ad aquell grafèma-clau central LL.
Toponimicament, se poiria prèner: castellet [castelhet]

  • 0
  • 0

Escriu un comentari sus aqueste article