Bandièra01 1180x150: La Passem

Actualitats

InternacionalPolitica

EELV sosten l’independéncia de Catalonha s’o decidisson los catalans

Lo partit ecologista demanda l’arrèst de las perseguidas, l’amnestia dels presonièrs e exiliats e una solucion politica que s’i engatge l’UE

| Europe Écologie-Les Verts
Euròpa Ecologia Los Verds (EELV) sosten l’independéncia de Catalonha s’o decidisson los catalans. Pendent lo 46n conselh federal del partit ecologista, tengut los 27 e 28 de març, s’aprovèt una mocion entitolada “Amnestia, arrèst de las perseguidas e drech a l’autodeterminacion en Catalonha”. La mocion soslinha que lo conflicte entre Espanha e Catalonha es politic e que la solucion deu èsser tanben politica. EELV demanda, doncas, “l'amnestia dels presonièrs politics e los exiliats catalans, e l’arrèst de la persecucion contra los militants independentistas catalans”.
 
A mai, EELV convida los govèrns espanhòl e catalan al dialòg e la negociacion del temps que sollicita l’engatjament de l’Union Europèa per qu'aquesta ne faga una mediacion. “Es pas acceptable que l’Union Europèa cluque los uèlhs en disent qu’es «un problèma intèrne d’Espanha», çò ditz.
 
Lo partit ecologista francés defend una solucion politica e pacifica e mai “accèpta la creacion ipotetica d’una Catalonha independenta e republicana dins l’Union Europèa, s’aquò es la volontat de la majoritat dels catalans demostrada amb los vòtes”.
 
 
Portar la crida a las comunas e assembladas regionalas o departamentalas
 
En mai d’aquò, la mocion d’EELV demanda a sos elegits regionals e municipals que pòrten de mocions de sosten a l’autodeterminacion catalana a las comunas e a las assembladas regionalas o departamentalas ont son presents.
 
En 2019, EELV foguèt lo tresen partit pus votat en França e mai aguèt un succès considerable a las eleccions muncipalas. En Occitània, an capitat a governar las comunas de Marselha e Bordèu. Endacòm mai dirigisson Estrasborg, Lion, Tors, Besançon, Peitieus e Anecí.
 

 


abonar los amics de Jornalet

 

Documents

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
13.

Ostres, un petit baló d'oxigen, a, però, s'allibera Cat. i els PP.CC., que passa amb els Països Catalans!?
Gràcies als EELV, si com dieu son de fiar, però la lluita es forta, i no només a Cat, o els Països Catalans, sinó que a mig Mon.
Això només s'arregla amb un canvi de actitud i política per part dels grans estats, dir-los que la grandesa de un País no son els territoris que posseeix, sinó la qualitat humana de la seva gent.
Visca la Terra...Lliure!
L'Ernest, "El Tàrrega".

  • 1
  • 0
Creire, Obesir, Pregar Amen
12.

#11 Te'n fagues pas, i aurà totjorn EELV per te sauvar !

  • 11
  • 8
Nas de Guit
11.

#10 Sofisme. Que con·honetz fin de l'umanitat (e d'un hèish d'autas espècias) e fin de la Tèrra. Aquesta qu'ei programada tà hens quauques miliards d'annadas. La fin de l'umanitat n'arribarà pas dab l'escaloriment climatic: ne moriràn pas tots, mes que sofriràn tots.

  • 2
  • 5
Perpetuum Mobile
10.

#8 De tota mena tre sa naissènça la Tèrra èra programada per crebar. Coma quina que siague planèta. Coma quin que siague èsser vivent. I compres vos o ieu, tarda pas, veirètz ! Amb o sens los "verds" fenis totjorn per arribar . Cal pas se'n faire, i a pas pus natural que la mort. Bona fin, colèga !

  • 20
  • 9
Tartana
9.

#8 Mas òc, mas òc, la planèta contunha de virar e d'èsser abitabla gràcia a la còla d'arlèris d'EELV ! Lo mond, lo sistèma solari, l'univèrs entièr repausan sus lors espatlas, Tss... Vos senhali que lo Vatican tanben nos a fach creire çò meteis pendent de sègles. E lo pièger es qu'aqueles fotrals enjuponats cofits de pregàrias n'èran persuadats ! Coma la bobotalha parisenca d'EELV, vertat ?

  • 14
  • 9

Escriu un comentari sus aqueste article