Bandièra01 1180x150: La Passem

Actualitats

InternacionalPoliticaSocietat

Perpinhan: manifestacion contra los cambiaments qu’escafan la catalanitat dels simbòls de la vila

Louis Aliot a impausat un cambiament a l’escut de la vila en tot remplaçar la devisa “Perpinhan la catalana” per “Perpinhan la dardalhanta”

| Vilaweb

Tèxte legit

De centenats de personas protestèron dissabte a Perpinhan contra los cambiaments qu’escafan la catalanitat dels simbòls de la vila. Lo cònsol màger d’extrèma drecha, Louis Aliot, a impausat una modificacion de l’escut de la vila en tot cambiar la devisa “Perpinhan la catalana” per “Perpinhan la radianta”, çò qu’a pas brica agradat a fòrça sectors de la vila que se recampèron dissabte davant l’ostal de la comuna.
 
Lo cortègi èra partit de la Plaça de Catalonha darrièr una bandeiròla amb lo lèma “Sem Perpinyà”. A la fin, davant l’ostal de la vila, lo pòrtavotz del collectiu Òc al país catalan, Jordi Vera, assegurèt que Perpinhan quitariá pas “d’èsser catalana malgrat lo govèrn, la republica o la monarquia que i auriá”.
 
Diluir l’identitat catalana dins la francesa
 
La volontat de diluir l’identitat catalana dins la francesa es una de las intencions d’Aliot, que venguèt cònsol màger fa nòu meses. Aliot a tanben eliminat la tradicion d’arborar sus la bastissa del Castellet unicament lo drapèl catalan, qu’es ara acompanhat de la bandièra francesa. D’efièch, segon lo sociològ Gautier Sabrià, “Aliot a per obsession que tot çò que se passa al Principat aja pas de consequéncias en Catalonha Nòrd”, çò disiá a nòstres confraires de Vilaweb dins una entrevista. A mai, segon Sabrià, “l’identitat catalana e totas las autras identitats qu’existisson dins tot l’estat representan un perilh per l’union nacionala”, e l’eslogan de campanha d’Aliot fa dos ans èra: “Catalans, d’acòrdi, mas franceses d’en primièr”.

 
 
 


 
 



 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
7.

La manifestacion de Perpinyan que passava per una avinguda ont i avia palmeras, me pareissia qu'estavan passavan per lo passeig de Sagrera de Palma. Es curiós la semblaça que a vegadas i an. E parlant de fachistas cal se manifestar las vegadas que calgui e procurar protestar e posar en evidencia aquesta cola d'invasors ignorants nazis coma Quildo que non tenia ni lo tercer de Secundaria.

  • 4
  • 1
Braç de Venus Esquèrra
6.

Mentretant, regaudissèm: Occitània existís sus una mapa administrativa!

  • 6
  • 0
Reinat TOSCANO LO VAU
5.

Es coma aquò que Provença es devenguda Sud.

  • 19
  • 0
Pas diguns que se sovengue ?
4.

Tot viatjaire catalan vengut del Principat o de València a mai d'un cop constatat la trista realitat : dins Perpinyà se tot es benlèu escrich en catalan, es estranhament impossible de comunicar dins aquesta lenga amb qui que sia. Al nivel linguistic Catalunya Nord es en fach descatalanizada. De gaitar tanben sus YouTube lo reportatge "son bojos aquells catalans" per mesurar l'espandida del desastre.

  • 15
  • 2
Joan Radius
3.

lo catalanisme a Perpinyà, quantas divisions?

  • 8
  • 7

Escriu un comentari sus aqueste article