Polemica pel projècte d’una autoestrada que deu traversar las planas de Camarga e Crau. Après 25 ans de debats, per resòlver lo problèma de la fòrta circulacion automobila que la supòrta Arle, las autoritats an pensat a un contornejament autoestradièr. S’agís d’un nòu traçat sus 13 km, çò rapòrta France 3.
 
D’un caire, d’agricultors, d’elevaires e d’ecologistas se mobilizan contra aquel projècte
que traversarà de tèrras agricòlas e de natura salvatja ricas en biodiversitat. D’autre caire, d’estatjants d’Arle sostenon al contrari lo projècte a causa de l’enòrme trafec de veituras e camions qu’afècta la capitala de Camarga.