Bandièra01 1180x150: Comuna de Tolosa

Actualitats

Bascoat: lo quotidian Gara a pagat tot lo deute del jornal Egin

La justícia espanhòla a fach pagar al quotidian basco aquel deute amb l’argument de “la succession ideologica d’entrepresa”

| ekinklik / wikimedia

Tèxte legit

Lo jornal basco Garaa pagat enfin tot lo deute que l’ancian jornal Egin aviá amb la Seguretat Sociala espanhòla. Egin foguèt victima de la persecucion politica de l’estat contra l’esquèrra basquista e li reclamavan un deute de tres milions d’èuros. La còla de Gara a pogut pagar aquesta soma gràcias al sosten de milièrs de personas mas cap d’ajuda institucionala.
 
En 1998, la justícia espanhòla tampèt Egin e ne detenguèt qualques responsables. En 2009, la Cort Suprèma espanhòla daissèt sens efièch lo barrament d’Egin, mas lo quotidian poguèt pas èsser editat tornarmai e mai se li reclamèt un deute enòrme amb la Seguretat Sociala. La justícia espanhòla a fach pagar aquel deute al jornal Gara amb un argument un pauc escur: “la succession ideologica d’entrepresa”.
 
Per poder pagar aquel deute e subreviure, la còla de Gara a organizat aquestes ans d’eveniments solidaris e una campanha d’abonaments que li an respondut environ 10 000 ciutadans.
 
Gara (en basco Sèm) es un quotidian en basco e castelhan que ten 120 salariats e fa trabalhar d’autres 200 professionals.

 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article