Bandièra01 1180x150: País Invisible

Actualitats

Marselha: polemica al club nautic après de prepauses racistas

“Lo jorn ont faudrà que lei francés reagiscan e que se fau armar, serai lo primier a anar faire de ratonada”, çò diguèt lo president del Yatching club de la Poncha Roja

Lo pòrt de la Poncha Roja
Lo pòrt de la Poncha Roja | Wikimedia Commons

Tèxte legit

Polemica al club nautic de Marselha après los prepauses racistas del president del Yatching club de la Poncha Roja, Christian Tommasini. Dins una reünion tenguda lo 22 de febrièr, Tommasini passèt de l’injúria racista a l’incitacion de la violéncia raciala dins un conselh portuari sens èsser interromput, çò rapòrta Marsactu que ne publica l’enregistrament.
 
La reünion èra organizada per la Metropòli e se trobavan presents la majoritat dels intervenents abituals. Mentre que se parlava de las dificultats per metre los batèls a l’aiga, Tommasini prenguèt la paraula e diguèt: “N’ai un sadol, deis arabis. Pòdes pus ren faire sensa que leis arabis te vengan far cagar”. Puèi insistís: “Ren que de melons, que d’arabis. Pas un blond, un blanc, un qu’es ben coma fau, non, que d’arabis”. En seguida, petèron del rire los presents, e Tommasini contunhèt: “Lo jorn ont faudrà que lei francés reagiscan e que se fau armar, serai lo primier a anar faire de ratonada”.
 
Un dels assistents concluguèt: “Aquò pòu pus contunhar coma aquò”. De son latz, Didier Réault, vicepresident de la metropòli delegat al litoral e president del pargue nacional de las Calancas, li respondèt sul ton de l'umor: “Estigmatizes”.
 
 
“Ai petat lei plombs”
 
Contactat per France Bleu, Christian Tommasini expliquèt qu’aviá “petat lei plombs”, que sas paraulas avián “despassat sa pensada” e qu’èra alassat dels actes d'incivilitats, de las degradacions, dels trafecs illicits quitament sul pargatge de la mesa a l'aiga, e de las menaças.
 
 
La comuna de Marselha o denóncia
 
De son caire, la vila de Marselha anoncièt dimars passat qu’aviá sasit lo procuraire de la Republica per denonciar de prepauses d’injúria racista, de difamacion racista, d’incitacion publica a la violéncia e a l’odi racial. Mentretant, las subvencions al Yatching club de la Poncha Roja son suspendudas.
 
 
 
 
 
 

A l'annonce de ces révélations de propos racistes, je mets en suspens à l'instant l'ensemble des demandes de subventions...

Pubblicato da Menchon Hervé su Dilluns, 26 d’abril de 2021


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Abram Auvernha
1.

Segur qu'aquelos prepaus son òrres ! Mas enregistrar una reünion sens o-dire a degun per nar bavar embé los mediats... aquò es digne d'aquelos que vendián de burre embé los alemands pendent la segonda guerra... Vergonha de tot latz !

  • 2
  • 0

Escriu un comentari sus aqueste article