Bandièra01 1180x150: Comuna de Tolosa

Actualitats

CulturaInternacionalSocietat

China: Wuhan a recuperat son festenal mai emblematic e frequentat

Los concèrts, limitats a 11 000 personas, an amassat de mond sens mesuras sanitàrias, qu'èran pas de besonh

Tèxte legit

Dins la dimenjada passada, Wuhan recuperèt son festenal mai emblematic e un dels mai frequentats de China: l’Strawberry Music Festival. Los concèrts, limitats aqueste còp a 11 000 personas, amassèron de mond de la region e d’endacòm mai sens mesuras sanitàrias, qu'èran pas de besonh.
 
Wuhan foguèt la primièra vila ont se senhalèt la covid-19; la vila foguèt isolada e sos abitants confinats pendent 76 jorns entre genièr e abril de l’an passat. Ara, segon las autoritats, es una vila liura de coronavirus. D'efiëch, dissabte passat, China raportèt sonque 16 cases nòus de covid-19 dins tot lo país que compta 1,4 miliards d’abitants. De soslinhar qu’an ja vaccinat 265 milions de personas.
 
Dempuèi lo començament de la pandemia, s’es comptat en China 102 530 cases de covid-19 e un total de 4846 mòrts, segon l’Universitat John Hopkins, que fa lo comptatge del Mond entièr cada jorn.
 
Lo de Wuhan es pas lo sol festenal que se ten en China aquestes jorns. An tanplan agut luòc d’autres concèrts en d’autras vilas, dont Pequin.
 
 
 
 
 



abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
7.

#6 Los que non son contents de Jornalet pòdon montar un autre jornal en linha. E veirem çò qu'aquò donarà… Plan mercés, Ferriòl !

  • 1
  • 0
Ferriòl Macip
6.

#3 La capacitat redaccionala de Jornalet es limitada e los recorses son plan precaris. Per aquela rason, causissèm de nòvas que consideram —de bona fe— que seràn mai interessantas pels nòstres legeires o ben aquelas informacions que los mèdias massisses raportaràn pas o raportaràn d’un autre biais. Sèm pas a mancar d’informacions per de rasons ideologicas. Dins aquel sens, avèm signat l’engatjament etic e deontologic del Collègi dels Jornalistas de Catalonha.

  • 3
  • 4
Blabla
5.

#4
Blablablabla e lo repic Bla bla ♪ ♫

Amen !

  • 1
  • 3
Batko
4.

#3 Se legissi lo Jornalet es pas per aver un article de mès suu subjècte qu'es largament comentat suus autes mèdias. Lo Jornalet es destinat a un public particular, lo que defen una cultura minorizada e doncas naturalement la causida deus subjèctes evita de tornat tractar çò qu'es largament tractar endacòm mès.

  • 11
  • 3
Ugène
3.

#2  Ai pas jamai dit o pensat que los redactors de Jornalet èran fenhants ! Que  non  pas ! Ieu  plange màs que las novelas que tòchan l'inseguretat siajan sistematicaments relegadas per la sola rason que son sentits coma ideologicament de dreita...

  • 7
  • 14

Escriu un comentari sus aqueste article