Bandièra01 1180x150: País Invisible

Actualitats

S’alestís una manifestacion per las lengas e contra la sasina del CC contra la Lei Molac

Lo collectiu Per Que Viscan Nòstras Lengas fa una crida a la mobilizacion lo 29 de mai que ven. Las protèstas organizadas s’anonciaràn dins los jorns avenidors

| Collectif Pour Que Vivent Nos Langues

Tèxte legit

En responsa a la sasina del Conselh Constitucional contra la Lei Molac, lo collectiu Per Que Viscan Nòstras Lengas fa una crida a la mobilizacion lo 29 de mai venent. “Aquò es roïna de tota la cadena de l’ensenhament de la nòstra lenga dins lo segondari e mai lo primari public”, çò ditz lo comunicat de Calandreta qu’apèla a la mobilizacion.
 
Per Occitània, la FÈLCO e los diferents collectius per l’ensenhament de l’occitan (CRÈO), Calandreta e l’Institut d’Estudis Occitans cridan al blocatge de la data del 29 de mai mentre que s’organiza las divèrsas protèstas, que s’anonciaràn dins los jorns avenidors.
 
De recordar que l’Assemblada Nacionala francesa aprovèt l’8 d’abril passat la dicha Lei Molac per 247 vòtes en favor e 76 contra, un eveniment istoric car s’agís de la primièra lei francesa per la reconeissença e la promocion de las lengas autoctònas de la Republica, dempuèi la Lei Deixonne de 1951 que n’autorizava l’ensenhament public.La Lei Molac reconeis pel primièr còp l’ensenhament immersiu, la senhalizacion bilingua e que los rèirenoms pòrten de caractèrs qu’existisson pas en francés, coma la “ñ” del breton o los accents sus cèrtas vocalas de l’occitan. Pasmens, una seissantena de deputats depausèt un recors contra la lei davant lo Conselh Constitucional; una sasina plan polemica que sembla dirèctament manobrada pel gabinet del ministre de l’educacion, Jean-Michel Blanquer.
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

PER LA LENGA, DELS TROBADORS !!!!!!!!!!!!!

LOS TROBADORS VENCERAN !!!!!!

VISCA LA LENGA DELS TROBADORS !!!!!!!!!!!

LA NOSTRA LENGA DELS TROBADORS !!!!!!!!!!!!!!!

  • 0
  • 0

Escriu un comentari sus aqueste article