Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaBordalésLibornés

Venda a l’enquant d’un vin de Bordèu qu’a passat 14 meses dins l’espaci

La botelha fa partida d’una mission que cèrca d’estudiar cossí adaptar l’agricultura a l’escalfament climatic

| Reuters

Tèxte legit

Se vendrà a l’enquant una botelha de vin de Bordèu qu’a passat 14 meses dins l’espaci a orbitar a l’entorn de la Tèrra a 20 000 km/h. S’agís d’un Pètrus del domeni de Pomeròl, del Libornés gavach, que se vend al costat d’una botelha del meteis vin mas qu’a fach son procès coma d’abitud sus la Tèrra, per que lo crompaire pòsca comparar, se vòl. L’ostal de venda Christie’s espèra qu’obtendrà almens un milion de dolars d’aquela botelha, estimada a aperaquí 822 200 èuros. De notar qu’una botelha de Castèl Pètrus 2000 en condicions normalas se vend a l’entorn de 6000 èuros.
 
La botelha en question fa partida de las dotze botelhas lançadas dins l’espaci en novembre de 2019, dins l’encastre del programa WISE; es una mission menada per Space Cargo Unlimited, una societat bordalesa qu’a per tòca d’estudiar cossí adaptar l’agricultura a l’escalfament climatic.
 
Space Cargo Unlimited l’an creada Nicolas Gaume e Emmanuel Etcheparre. Amb los partenariats de l’indústria aeroespaciala e de l’Institut de las Sciéncias de la Vinha e del Vin de Bordèu, cèrcan d’estudiar la microgravetat e las evolucions naturalas dins un entorn espacial. Per exemple, dins aquesta primièra mission, an estudiat cossí pòdon cambiar dins l’espaci los elements que fan vielhir lo vin coma las levaduras, cèrtas bacterias, los cristals, los colloïdes e los polifenòls.
 
De las dotze botelhas lançadas dins l’espaci, solament una se vend a l’enquant per finançar lo programa WISE. Las autras son consagradas a l’estudi. D’aquestas, tres las an tastadas d’especialistas. Totes eles asseguran que las condicions dins l’espaci an produch un vin diferent, e mai qualques unes defendan que lo gost seriá lo meteis se las botelhas aguèsson vielhit sus la Tèrra.
 









abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

Un bon vin de Bordeu, es per brindar amb la copa plena pels Trobadors, tastar lo a la boca, que passi a la gola e per endins s'a dit ! E Salut companhs !!!

  • 1
  • 0

Escriu un comentari sus aqueste article