Actualitats
Protèsta contra la privatizacion del castèl de Montanèr
L’integracion d’un prestatari privat per la gestion del sit a mobilizat de ciutadans del país que revendican un sit dobèrt, partejat e vivent
Tèxte legit
L’integracion d’un prestatari privat per la gestion del castèl de Montanèr (Vic Vilh) a mobilizat de nombroses ciutadans de Montanerés contra lo perilh de privatizacion del sit. Lo collectiu avertís que la decision del conselh departamental dels Pirenèus Atlantics sus la gestion del castèl met en question lo drech d’accès al sit, çò rapòrta Occitània Arroja.
Una peticion en linha qu’amassa a l’ora d’ara mai de 700 signaturas remembra las multiplas utilizacions del sit coma eveniments culturals, esportius e convivials, e exprimís l’estonament e l’incompreneson dels ciutadans fàcia a una decision presa en “l’abséncia d’informacion e concertacion”. Los signataris demandan lo retirament del projècte de delegacion de servici public, e reclaman l’engatjament d’un projècte amb lo territòri.
Lo castèl de Montanèr es una fortalesa bearnesa bastida al sègle XIVn per Gaston Fèbus segon los plans de son arquitècte Sicard de Lordat. En 1980 foguèt classificat monument istoric e a l’ora d’ara es un musèu.
Una peticion en linha qu’amassa a l’ora d’ara mai de 700 signaturas remembra las multiplas utilizacions del sit coma eveniments culturals, esportius e convivials, e exprimís l’estonament e l’incompreneson dels ciutadans fàcia a una decision presa en “l’abséncia d’informacion e concertacion”. Los signataris demandan lo retirament del projècte de delegacion de servici public, e reclaman l’engatjament d’un projècte amb lo territòri.
Lo castèl de Montanèr es una fortalesa bearnesa bastida al sègle XIVn per Gaston Fèbus segon los plans de son arquitècte Sicard de Lordat. En 1980 foguèt classificat monument istoric e a l’ora d’ara es un musèu.
http://chng.it/LCyg8gtM
Pubblicato da Comité des fêtes de Montaner su Dimarts, 4 de maig de 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 non pas !
Es pas per qu'es apelat castel qu'es registrat dins la basa monents istòrics.
#3
999 ! Sèm plan luènh del compte !
Aval, un ostalòl amb una vinhòta davant, basta per que siaga un "château" !
Un castel polit amb un linatge occitan e catalan.
#2
En passent lís se pòt diser qeu lo departament Occitan que ten lo mai de monuments dichs istoric es Gironda mabe 999 Monuments , seguit de Dordonha que ne ten 881...
Un jorn caldrà concretizar tot aquò disn una basa de donadas occitana
Cresi saber que l'inventari del patrimòni istoric non es pas jamai acabat. Per i aver fòrça umilament ajudat, pels ans 90 del sègle passat, entre Vic Bilh, Arribèra Baisha e Sud Armanhac, pòdi assegurar que sèm encara luènh del compte… Alavètz, plan segur, per las gents que non ne son especialistas, la partida inconeguda es encara mai considerabla. Fa ara mai de trenta ans que lauri e relauri (fotograficament) los territòris d'Aude, d'Arièja, Avairon, de Tarn e un bon tròç de Garona Nauta, non quiti jamai de descobrir novèlas bastissas — sovent arroïnadas, mas pas totjorn, se'n manca ! —, de dimenjada en dimenjada… Es un plaser inagotable.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari