Bandièra01 capçalera  1180x150: Novestivada

Actualitats

Arribada de milièrs de migrants de Marròc a las plajas de Sabta

La polícia de Marròc auriá encoratjat aquela avalanca de migrants devèrs l’enclavament espanhòl en Africa. Espanha i a desplegat l’armada

| Reduan / EFE

Tèxte legit

L’armada espanhòla s’es desplegada dempuèi aqueste dimars de matin dins la vila de Sabta, enclavament espanhòl dins lo nòrd d’Africa, après qu’aperaquí sièis mila migrants i arribèron en nadant o en entornejant las peiradas. Segon l’administracion espanhòla, i auriá unes 1500 menors. L’armada, acompanhada d’agents de la polícia e de la Gàrdia Civila, a barrat totes los accèsses a las plajas, mas sembla de poder pas evitar que de desenats de personas contunhen de traversar la frontièra, mai que mai als moments que la marèa es bassa. Almens un dels migrants se seriá negat.
 
Fasiá quinze ans que Sabta enregistrava pas una arribada tan massissa de migrants, qu’aqueste còp l’a encoratjada la polícia frontalièra de Marròc, segon l’agéncia EFE.
 
 
Tensions politicas amb Marròc
 
La ministra espanhòla dels afars estrangièrs, Arancha González Laya, assegurava diluns que pensava pas que s’agiguèsse d’una pression de Marròc en seguida de l’espitalizacion a Logronh del cap del Front Polisario, Brahim Ghali, malaut de la covid-19. Pasmens, aquel suènh de Ghali a irritat l'administracion marroquina que quitament menacèt de reconéisser l’independéncia de Catalonha e de donar l’asil politic a Carles Puigdemont.
 
 
Crisi politica en Espanha
 
La drecha e l’extrèma drecha an profechat de l’escasença per acusar lo govèrn espanhòl d’èsser incapable de defendre las frontièras de l’estat. Lo primièr ministre, Pedro Sánchez, anullèt son rescontre amb Macron a París e demorèt dins l’estat espanhòl per abordar la crisi amb son conselh dels ministres. Lo ministre de l’Interior s'es gandit a Sabta après la reünion.




Arribada del primièr ministre, Pedro Sánchez, a Sabta:

 

 
 
 
 
 
 
 










abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

De migrants embarrats subre de platjas ? Aquò deu remembrar causas meravilhoses als ancians migrants republicans de Catalonha, Euskadi e Espanha de 1939…

  • 9
  • 3

Escriu un comentari sus aqueste article