Bandièra01 1180x150: Comuna de Tolosa

Actualitats

Albi: crida a manifestar per la lenga dissabte que ven

Lo recampament es previst a 14h30 dins lo pargue Ròcaguda, e serà seguit de presas de paraulas e d’un desfilat en musica d’artistas de la region per las carrièras albigesas

| Creo Tolosa
Lo Centre Regional de l’Ensenhament de l’Occitan de l’Acadèmia de Tolosa (CRÈO Tolosa), l’Institut d’Estudis Occitans de la region Occitània Pirenèus-Mediterranèa (IEO-OPM), e lo Centre Cultural Occitan d’Albigés (CCOA), jonches per la federacion Calandreta, lo Felibrige e ÒcBi, respondon a l’apèl del collectiu Per que viscan nòstras lengas, e vos convidan a una manifestacion musicala lo dissabte 29 de mai a Albi. Lo recampament es previst a 14h30 dins lo pargue Ròcaguda (davant l’ostalariá Rochegude, costat pargue), seguit de presas de paraulas de las associacions organizatrises, puèi d’un desfilat en musica acompanhat d’artistas de la region per las carrièras albigesas.
 
Lèmas: SOS ensenhament, sosten a la recenta Lei Molac relativa a la proteccion e a la promocion de las lengas regionalas e a son aplicacion.
 
Lo 21 de mai, lo Conselh Constitucional invalidèt dos articles d’aquel lei —pertocant l’ensenhament immersiu e los signes diacritics— considerats coma “anticonstitucionals”. Aquel decision es un atac grèu envèrs los e las qu’òbran cada jorn a l’ensenhament, a la promocion e a la defensa de nòstra lenga e nòstra cultura occitanas, a l’escòla e dins los luòcs d’usatge. Aquela accion es doncas essenciala per portar nòstre sosten a la lei Molac e per mostrar nòstra determinacion per son aplicacion en integralitat.
 
Alara, portatz vòstras bandièras, alestissètz vòstras pancartas e vòstres melhors eslogans e vestissètz-vos de vòstra masqueta la mai polida! Comptam sus vòstra preséncia lo 29 de mai, per mostrar vòstra sosten, e vòstra estacament a nòstra polida lenga occitana! Mobilizem-nos per que visca nòstra lenga! Esitetz pas a partejar en massa aquel eveniment, per e-mail, suls rets socials, e a ne parlar a vòstre entorn: avèm besonh d’èsser en nombre per far ausir nòstras revendicacions. Totes los detalhs de la jornada son suls sits del CCOA e del CRÈO Tolosa. Un còp de mai, comptam sus vòstra preséncia per capitar aquela accion!
 
Per mai d’entresenhas: sus la pagina de la manifestacion mesa en linha pel CCOA e tanben sul sit de la FÈLCO
 
A dissabte!
 
 
 
Lo collectiu d’organizacion, CRÈO Tolosa - IEO OPM - CCOA

 

 

abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
7.

Cansoneta leu e plana
leugereta, es ufana,
farai, e d'En Blanquer,
del traidor de Mataplana
qu'es d'engan farsitz e ples,
A Blanquer, Blanquer, Blanquer.
d'engan etz farsiz e ples.

Guillem de Berguedà. Adaptacion

  • 1
  • 0
francesc palma
6.

EMPARAM LA LENGA DELS TROBADORS !!!!!!!!!!!!
Totòm a la manifestacion per la nostra lenga. Cal se bolegar amics !

  • 2
  • 0
Raimon
5.

Una sola solucion : cal desgatjar la politicalha franchimanda, PUNT.

Se'n foten de las manifestacions.

Per contre, se l'òm comença de lor disputar la part de còca, se lor plaça es botada en balotatge... Aquí, òc, van respectar los Occitans ! l'òm respècte çò que far paur. Los passejaires-per-carrièras ? aquò es perçebut coma de folclore anodin, un biais de pimentar l'actualitat de las informacions localas, que lo resson anirà pas au delà de qualquas secondas al 19-20 de França 3.

DESGATJATZ-LOS ! viste. Sonque una tremolada politica pòt far electro-choc. Tant que las fedas occitanas portaràn partits franchimands que son per natura "jacobins", nos en sortirem pas.

  • 5
  • 0
francesc Palma
4.

Lo mieu eslogan per la manifestacion:
E VISCAN LOS TROBADOR
E QUE VISCAN !!!
Un altra: LOS TROBADORS LA NOSTRA FORÇA !!!!

  • 2
  • 0
Ferriòl Macip
3.

Deman qu'arreportaram totes es manifestacions previstes tà dissabte en territòri occitan. Avem notícia d'Albi, Clarmont-Ferrand, Carcassona, Pradèlas en Val e Somèire. Se'n sabetz d'autes, vos pregam d'escríver-mos a info@jornalet.com

  • 5
  • 6

Escriu un comentari sus aqueste article