Bandièra01 1180x150: La Passem

Actualitats

InternacionalPoliticaSocietat

Peró: chaple en plena campanha electorala

Las autoritats l’atribuïsson al Caminós Luminós, e de voses criticas demandan que se servisca pas del masèl a de fins electoralas

| ATV+ Noticias

Tèxte legit

Peró patiguèt dimenge passat un masèl ont moriguèron 18 personas segon la polícia (o 16 segon lo ministre de la justícia) en plena campanha electorala de la presidenciala, prevista pel 6 de junh que ven. Las autoritats an atribuït lo crime al Caminòl Luminós, grop armat del Partit Comunista qu’entamenèt una lucha armada contra l’estat perovian entre 1980 e 1992 e qu’auriá tuat aperaquí 69 000 personas. Mas de voses criticas que demandan la solidaritat amb las familhas an fach una crida a se servir pas del chaple a de fins electoralas, çò rapòrta la BBC.
 
Las victimas son de clients e salariats de dos bars de San Miguel del Ene, dins la val dels flumes Apurímac, Ene e Mantaro. Una region ont se produtz lo 75% de la cocaïna del país.
 
Dins la zòna an trobat de brocaduras qu’avertisson dels perilhs de votar a l’eleccions presidenciala, e pièger se se vòta per la candidata conservatritz Keiko Fujimori, filha de l’ancian president Alberto Fujimori, en preson per aver violat los dreches umans e que se li atribuís la fin dels grops armats del Caminòl Luminós e del Movement Revolucionari Túpac Amaru (MRTA).


 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article