Bandièra01 1180x150: La Passem

Actualitats

InternacionalPoliticaSocietat

Bielorussia: un opausant ensaja de se suicidar en plen procès

Detengut durant las protèstas d’arunan contra la victòria contestada de Lukashenko, Stsiapan Latypaŭ es acusat d’aver destorbat l’òrdre public

| spring96.org

Tèxte legit

Un opausant a temptat de se suicidar en plen jutjament en Bielorussia. Son nom es Stsiapan Latypaŭ e es acusat d’aver organizat d’accions en grop per destorbar l’òrdre public dins l’encastre de las manifestacions d’arunan contra la victòria electorala contestada de Lukashenko. Just après la declaracion de son paire coma testimòni, Latypaŭ a pres un estilo e amb aqueste a ensajat de se nafrar lo còl après dire:
 
“Paire, d’agents de la polícia m’an dich que, se reconeissiái pas ma fauta, me metrián en cellula d’isolament e encarcerarián mos parents e mos vesins. Soi en preson dempuèi 51 jorns. Siá lèst per patir quicòm de semblable”.
 
Après la temptativa de suicidi, Latypaŭ a perdut coneissença e l’an menat dins un espital ont rèsta dins lo còma. Segon l’associacion umanitària Viasna-96, son estat de santat es estable.
 
Segon la cap de l’oposicion en exili Svetlana Tsickanoŭskaja, çò que s’es passat “es fruch d’un estat de terror, de repression e de torturas en Bielorussia”.

 


 
 


abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article