Actualitats
Question polemica d’un jornalista a Aymeric Laporte a prepaus de son nivèl d’espanholitat
“Tu te sentes plenament espanhòl per poder defendre un escudet, una nacion, una bandièra e un imne?”, çò a demandat un jornalista a l’esportiu agenés
Tèxte legit
L’esportiu agenés Aymeric Laporte, que jòga dins l’esquipa de fotbòl Manchester City, participarà ongan a sa primièra Copa d’Euròpa amb la seleccion espanhòla de fotbòl. Lo jogador occitan foguèt naturalizat espanhòl après son passatge per l’Athletic de Bilbao, ont joguèt gaireben un decenni. Pasmens, a cèrts sectors de la premsa espanhòla sembla de lor agradar pas que Laporte defenda esportivament las colors d’Espanha.
Dissabte passat, après la partida ont s’afrontèron las seleccions d’Espanha e de Portugal, un jornalista pausèt al jogador occitan una question a prepaus de son nivèl d’espanholitat. Laporte, clarament contrariat, ensagèt de respondre en tenent sas contenéncias.
Vejatz lo vidèo del moment aicí:
Dissabte passat, après la partida ont s’afrontèron las seleccions d’Espanha e de Portugal, un jornalista pausèt al jogador occitan una question a prepaus de son nivèl d’espanholitat. Laporte, clarament contrariat, ensagèt de respondre en tenent sas contenéncias.
— Tu te sentes plenament espanhòl per poder defendre un escudet, una nacion, una bandièra e un imne?
— Òu! Quina question, non? La vertat es qu’es una question plan fòrta. Ensajarai de respondre del melhor biais possible. Soi aicí per far la competicion al nivèl maximal e ma tòca es la meteissa que la d’Espanha, ganhar tota mena de competicions. E o donarai tot per ganhar. Degun deu pas pas dobtar qu’o donarai tot per aquela seleccion.
— Òu! Quina question, non? La vertat es qu’es una question plan fòrta. Ensajarai de respondre del melhor biais possible. Soi aicí per far la competicion al nivèl maximal e ma tòca es la meteissa que la d’Espanha, ganhar tota mena de competicions. E o donarai tot per ganhar. Degun deu pas pas dobtar qu’o donarai tot per aquela seleccion.
Vejatz lo vidèo del moment aicí:
"Uf, vaya pregunta, ¿no? Voy a intentar contestarla de la mejor manera posible..."
— MARCA (@marca) June 5, 2021
Y así responde Laporte pic.twitter.com/PoBtlKvnrQ
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tanben a Piquer los fachas espanhols li volgueren fer causas coma aquesta e pitjor. Ni puta cas, non los an de far ni puta cas.
Vese pas lo problèma ! Aquò es màs un biais de li damandar las rasons de sa naturalizacion. Sobretot que Lapòrta ditz que cerchèt contactar mai que d'un còp lo Didèir Deschamps per joar embé la selecion francesa ! Aquí lo jornalista se vòu tot simplament segurar que l'equipa espanhòla es pas un plant B...
Es tota la problematica d'aquel mercenariat endaurat que senhorèja dins lo foot dempuèi un brave temps. Pas lo mendre briu de patriotisme dins lo mercenariat, lo mercenari vai ont l'argent lo mèna. Se li cal prene la nacionalitat de qui lo paga, o-fai sensa cap estat d'èime, fins a ne cambiar tornamai per qui lo pagarà melhor encara. N'es atal dempuèi totjorn, que siague per far guèrra o foot !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari