Actualitats
Londres, dempuèi las nautors
Dempuèi divendres passat se pòt pojar a la cima del Shard, lo gratacèl mai naut de l’Union Europèa
Lo Shard, lo gratacèl mai naut de l’Union Europèa, amb la poncha de veire que s’auça fins a 310 mètres, dobriguèt divendres passat un mirador al public amb de vistas excepcionalas de Londres... se lo temps o permet. Lo mirador es plaçat de l’estanci 69 al 72, a 244 mètres, e s’i accedís amb d’ascensors que puèjan a una velocitat de sièis estancis per segonda. Un còp ailà, un jorn clar, la vista pòt aténher seissanta quatre quilomètres, amb las principalas atraccions londinencas: la Catedrala de Sant Pau, lo Palais de Buckingham, la Tor de Londres, l’Estadi de Wembley, lo Pont de la Tor…
Per aquesta primièra dimenjada, l’entrepresa The View From the Shard a ja vendut totas las bilhetas, que còstan trenta èuros per adulte. La vesita compren la projeccion d’un documentari sus la vila, l’istòria e los sieus abitants, coma tanben una introduccion a l’umor anglesa amb de fotomontatges gigants. L’entrepresa espèra recebre un milion de vesitaires per an.
Lo Shard, que s’elèva 310 mètres sul South Bank de Londres, es un gratacèl bastit e finançat (545 milions d’èuros) per l’estat de Qatar (l’accionari majoritari, amb 95%) e Sellar Property Group Ltd. Lotjarà de burèus, d’apartaments, una ostalariá e tres estancis de restaurants.
Lo segond gratacèl d’Euròpa
Lo Shard a lo títol de gratacèl mai naut de l’Union Europèa, amb 310 mètres, mas pas d’Euròpa, pr’amor que la Mercury City Tower de Moscòu, de setanta cinc estancis, s’enfila fins a 339 mètres. Lo gratacèl moscovita es encara en construccion e son inauguracion es pas prevista abans la prima. Ça que la, i a qualqu’un que l’a ja grimpat: Sergei Valaiev, amb l’ajuda d’amics, escalèt la tor sens permés e ne carguèt un vidèo sus YouTube.
Per aquesta primièra dimenjada, l’entrepresa The View From the Shard a ja vendut totas las bilhetas, que còstan trenta èuros per adulte. La vesita compren la projeccion d’un documentari sus la vila, l’istòria e los sieus abitants, coma tanben una introduccion a l’umor anglesa amb de fotomontatges gigants. L’entrepresa espèra recebre un milion de vesitaires per an.
Lo Shard, que s’elèva 310 mètres sul South Bank de Londres, es un gratacèl bastit e finançat (545 milions d’èuros) per l’estat de Qatar (l’accionari majoritari, amb 95%) e Sellar Property Group Ltd. Lotjarà de burèus, d’apartaments, una ostalariá e tres estancis de restaurants.
Lo segond gratacèl d’Euròpa
Lo Shard a lo títol de gratacèl mai naut de l’Union Europèa, amb 310 mètres, mas pas d’Euròpa, pr’amor que la Mercury City Tower de Moscòu, de setanta cinc estancis, s’enfila fins a 339 mètres. Lo gratacèl moscovita es encara en construccion e son inauguracion es pas prevista abans la prima. Ça que la, i a qualqu’un que l’a ja grimpat: Sergei Valaiev, amb l’ajuda d’amics, escalèt la tor sens permés e ne carguèt un vidèo sus YouTube.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 M'acòrdi amb Elevacion per dire qu'Occitània es un país ocupat, e que las nòstras vilas patisson un urbanisme sens ambicion. Aquí que m'acòrdi pas mai amb el, es per anar pensar que tota ambicion passariá necessariament per l'urbanisme. Gratar lo cèl me sembla d'elegança quora son los Pirenèus o las Alps que s'i fretan. Quora s'agís d'un molonàs de betonalha, de ferralha e de veiralha per i empialar mond e mond subre una superficia minimala (rapòrt investiment/pus-valguda maximal), aquesta mena d'elegança, la se pòdon garddar a Londre. Per ieu, l'ambicion seriá mailèu de far del 99% del territòri occitan quicòm mai qu'un desèrt rural, amb sonque quatre o cinc ciutadassas subrepobladas per i poder pescar un mètge, de comèrcis vitals o una vida culturala de qualitat (plan relativa per ara e sens ambicion, aquò òc)…
Lo present: Occitània es un país ocupat, nòstras vilas patisson un urbanisme sens ambicion.
Lo futur: Occitània serà una nacion independenta, nòstras vilas beneficiaràn d'un urbanisme ambicós, e saique, nos ofrirem qualques gratacèls elegants a Niça, Bordèu, Clarmont, Marselha o Tolosa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari