Actualitats
Bordèu a tanben fach una crida als dons de sang
Los rendètz-vos seguents son previstes lo 22 de junh e lo 1r de julhet
Tèxte legit
Doas setmanas après qu’o faguèt Tolosa, ara es Bordèu qu’a fach tanben una crida d’urgéncia. A l’ocasion del jorn internacional dels donaires de sang, commemorat diluns passat, l’Establiment Francés del Sang de Bordèu installèt diluns e dimars passats un sit per collectar de sang als salons de l’ostal de la vila.
“Lo don del sang salva realament de vidas”, çò rapòrtan las autoritats de l’EFS sus France 3. Per nos far una idèa de la situacion, al nivèl de tot l’estat francés cal 10 000 pòchas per jorn “per satisfar los besonhs dels malauts, e environ 1000 pòchas en Nòva Aquitània”. Ça que la, son a l’entorn d’800 pòchas.
Los rendètz-vos seguents per poder donar de sang son previstes lo 22 de junh a l’ostalariá Bordèu Metropòli, e lo 1r de julhet a la sala Dordonha de la Gara de Sant Joan.
Trobaretz sus aqueste ligam mai d’informacion per donar de sang. Cal demandar un rendètz-vos per assegurar lo respècte de las condicions sanitàrias.
“Lo don del sang salva realament de vidas”, çò rapòrtan las autoritats de l’EFS sus France 3. Per nos far una idèa de la situacion, al nivèl de tot l’estat francés cal 10 000 pòchas per jorn “per satisfar los besonhs dels malauts, e environ 1000 pòchas en Nòva Aquitània”. Ça que la, son a l’entorn d’800 pòchas.
Los rendètz-vos seguents per poder donar de sang son previstes lo 22 de junh a l’ostalariá Bordèu Metropòli, e lo 1r de julhet a la sala Dordonha de la Gara de Sant Joan.
Trobaretz sus aqueste ligam mai d’informacion per donar de sang. Cal demandar un rendètz-vos per assegurar lo respècte de las condicions sanitàrias.
Don du sang à #Bordeaux > où vous pouvez répondre à l'urgence : https://t.co/9oq64OMUdy@Bordeaux@QuoifaireBordea@Bougerabordeaux@EFS_dondesang@gironde@PrefAquitaine33
— France 3 Aquitaine (@F3Aquitaine) June 14, 2021
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari