Bandièra01 1180x150: País Invisible

Actualitats

140 parlamentaris demandan de cambiar la Constitucion francesa per protegir las lengas

Los elegits se demandan se las escòlas immersivas poiriàn dobrir a la rintrada e se los enfants sonats Fañch, Jòrdi o Núria seràn pas pus considerats coma “franceses”

| paulmolac.bzh

Tèxte legit

La censura de la Lei Molac, de proteccion de las lengas del país en França, inquieta un nombre considerable d’elegits. 140 parlamentaris an mandat al president Emmanuel Macron una letra dobèrta ont sollicitan de cambiar la Constitucion.
 
Demest d’autres afars, los signataris se mòstran inquiets de la menaça que los 160 centres educatius en immersion pòscan pas dobrir a la rintrada, e mai qualques unes foncionen dempuèi aperaquí 50 ans. Dins aquel sens, vòlon  saber se Macron s’assegurarà a la rintrada del respècte de las condicions pedagogicas d’aqueles establiments, dont las calandretas, après la decision del Conselh Constitucional sus la Lei Molac.
 
Per quant a la mesa en causa dels caractèrs tipografics inexistents en lenga francesa pels rèirenoms, los signants comprenon “pas que, uèi, la libertat de causida dels rèirenoms pels enfants de nòstre país pòsca èsser remesa en causa” e se demandan s’aqueles enfants seràn considerats coma “franceses”.
 
En consequéncia, sollicitan del president qu'engatge lèu-lèu una revision constitucionala que permeta al poder public “de protegir e promòure las lengas regionalas”.
 
 

 
Per mai d’informacion:
 
— Libération 17.06.2021: Langues régionales: 140 parlementaires veulent changer la Constitution
Letra dobèrta dels parlamentaris al president Emmanuel Macron
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
2.

Cal cambiar la Constitucion ara que podem aver la majoria. Visca la lenga dels Trobadors !!!!!

  • 0
  • 0
Pitaluga
1.

M'engani, o es qu'i a pas cap d'elegit de la Frôns Insoumiz' ?
Es qu'an paur del Merlusson ? O es que sont de jacobins de pas creire ?
De tot biais, cal pas votar per una lista amb aqueles genocidaris culturals : es se tirar una bala dins la clòsca !

  • 11
  • 0

Escriu un comentari sus aqueste article