Actualitats
Lo Torn d’Occitània comença!
Lo Torn de França intrarà al país lo 6 de julh per Valença e lo quitarà lo 17 a Sent Milion
Aprèp los quatre jorns del Torn de Bretanha ont avèm vist florir de bandièras e de bandièras gwen ha du, lo Torn de “França” se va mudar per la part decisiva de son debanament en territòri occitan aprèp la jornada de pausa de diluns 5 en Savòia a Tignes.
A Sent Milion (Libornés), s’acabarà doncas aquesta edicion de 2021 del Torn d’Occitània.
L’endeman, dimenge 18, la caravana se mudarà per una mena de criterium sus (nos van conflar los comentators televisuals pendent d’oras de la formula) “la mai bèla avenguda del Mond”. Òu, lo Laurenç de Jalabèrt, i a pas de polidas avengudas e de baloards supèrbes a Masamet!
Sortissètz las bandièras…
Coma vesètz, los ciclistas faràn virar las pedalas un desenat de jorns en país occitan. Demòra justament de mostrar l’occitanitat d’aquestas contradas. Alara, long de las rotas, dins las pujadas e a las arribadas, sortissètz las bandièras roja e jauna de la crotz mondina e, tant qu’i sèm, daissètz pas prene l’engaumit dins los armaris a las bandeiròlas “Per que viscan nòstras lengas”.
Alan Roch
— dimars 6 de julh: lo Torn dintrarà en país nòstre en jonhent Arbèrtvela e Valença.
— dimècres 7: caldrà aver de bons pompilhs per montar dos còps lo mont Ventor entre Sòrgas e Malaucena.
— dijòus 8: escorreguda per un país de puèges e combas entre Sant Pau de Tricastin e Nimes.
— divendres 9: per juntar Nimes e Carcassona, caldrà montar (los correires sus la bicicleta, nosautres en riba del camin o davant la tèle) la còsta del pic Sant Lop, passar per Menèrba, traversar las vinhas de la Livinièra e de Menerbés.
— dissabte 10: per anar de Carcassona a Quilhan (50 km), los ciclistas prendràn pas la rota dirècta (184 km!). Passaràn per Montreal (d’Aude, pas de Quebèc!), Eissalabre, l’Avelanet, Montsegur, lo pòrt de la Crotz dels Mòrts, Espesèlh, Galinagas, Atsat, Fenolhedés e lo pòrt de Sant Loís farà la decision!
— dimenge 11: lo Torn abandona lo territòri occitan per juntar doas vilas de parlar catalan: Ceret e Andòrra la Vièlha (que se fa escarraunhar lo nom dins una publicitat toristica televisada d’aquesta passa).
— dimars 13: aprèp una jornada de pausa en Andòrra, los ciclistas tornaràn en Occitània entre El Pas de la Casa e Sent Gaudenç. Qui sap se qualques seguidors s’arrestaràn a Saurat pel darrièr jorn del Festen’Òc? Las cartas oficialas dels organizaires pòrtan l’asenada francimanda del “Col du Port”: pòrt del pòrt… e, per faire bona mesura “Col du Portet d’Aspet”.
— dimècres 14: aquò començarà tranquillon a Murèth (198 m) per s’acabar en cima del “col du Portet” aprèp los pòrts de Pèirasorda e de Val Loron-Àdet.
— dijòus 15: en partent de Pau, doas pichonas còstas de 4a categoria per s’escalfar (Nòstra Dòna de Pietat -! -, Locrup), abans de pujar dos fòracategoria: Tormalet e Lus-Ardiden.
— divendres 16: jornada de transicion entre Morencs e Liborna en traversant las Lanas.
— dissabte 17: benlèu la decision pel malhòt daurat se farà dins aquesta estapa de contra-la-mòstra de 30,8 km entre Liborna e Sent Milion, passant per Pomeròl. La victòria dependrà (qui sap?) del contengut del bidon? Caldriá pas que d’unes faguèsson coma Zaaf dins los ans 1950 qu’èra partit al revèrs aprèp aver engolit de vin!
— dimècres 7: caldrà aver de bons pompilhs per montar dos còps lo mont Ventor entre Sòrgas e Malaucena.
— dijòus 8: escorreguda per un país de puèges e combas entre Sant Pau de Tricastin e Nimes.
— divendres 9: per juntar Nimes e Carcassona, caldrà montar (los correires sus la bicicleta, nosautres en riba del camin o davant la tèle) la còsta del pic Sant Lop, passar per Menèrba, traversar las vinhas de la Livinièra e de Menerbés.
— dissabte 10: per anar de Carcassona a Quilhan (50 km), los ciclistas prendràn pas la rota dirècta (184 km!). Passaràn per Montreal (d’Aude, pas de Quebèc!), Eissalabre, l’Avelanet, Montsegur, lo pòrt de la Crotz dels Mòrts, Espesèlh, Galinagas, Atsat, Fenolhedés e lo pòrt de Sant Loís farà la decision!
— dimenge 11: lo Torn abandona lo territòri occitan per juntar doas vilas de parlar catalan: Ceret e Andòrra la Vièlha (que se fa escarraunhar lo nom dins una publicitat toristica televisada d’aquesta passa).
— dimars 13: aprèp una jornada de pausa en Andòrra, los ciclistas tornaràn en Occitània entre El Pas de la Casa e Sent Gaudenç. Qui sap se qualques seguidors s’arrestaràn a Saurat pel darrièr jorn del Festen’Òc? Las cartas oficialas dels organizaires pòrtan l’asenada francimanda del “Col du Port”: pòrt del pòrt… e, per faire bona mesura “Col du Portet d’Aspet”.
— dimècres 14: aquò començarà tranquillon a Murèth (198 m) per s’acabar en cima del “col du Portet” aprèp los pòrts de Pèirasorda e de Val Loron-Àdet.
— dijòus 15: en partent de Pau, doas pichonas còstas de 4a categoria per s’escalfar (Nòstra Dòna de Pietat -! -, Locrup), abans de pujar dos fòracategoria: Tormalet e Lus-Ardiden.
— divendres 16: jornada de transicion entre Morencs e Liborna en traversant las Lanas.
— dissabte 17: benlèu la decision pel malhòt daurat se farà dins aquesta estapa de contra-la-mòstra de 30,8 km entre Liborna e Sent Milion, passant per Pomeròl. La victòria dependrà (qui sap?) del contengut del bidon? Caldriá pas que d’unes faguèsson coma Zaaf dins los ans 1950 qu’èra partit al revèrs aprèp aver engolit de vin!
A Sent Milion (Libornés), s’acabarà doncas aquesta edicion de 2021 del Torn d’Occitània.
L’endeman, dimenge 18, la caravana se mudarà per una mena de criterium sus (nos van conflar los comentators televisuals pendent d’oras de la formula) “la mai bèla avenguda del Mond”. Òu, lo Laurenç de Jalabèrt, i a pas de polidas avengudas e de baloards supèrbes a Masamet!
Sortissètz las bandièras…
Coma vesètz, los ciclistas faràn virar las pedalas un desenat de jorns en país occitan. Demòra justament de mostrar l’occitanitat d’aquestas contradas. Alara, long de las rotas, dins las pujadas e a las arribadas, sortissètz las bandièras roja e jauna de la crotz mondina e, tant qu’i sèm, daissètz pas prene l’engaumit dins los armaris a las bandeiròlas “Per que viscan nòstras lengas”.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3
"País de Carcassona" que ça disetz... Sarià pas lo Carcassès ?
Ja sabet que lo net de Polidor es Van fon Poel que va lider.
Plan de bandieras Bretonas e quasi cap de francimanda. Envant valents a traure las nostras bandieras la Crotz Jauna e la Senyera, que non pugan dir los Blanquierets chovinets que non l'as an vistas. Força !
M'agrada aquesta nòva ! Esperavi aquel eveniment despuei longtemps !
Damòra de trobar mantuns eslogans en occitan per fin d'aver qualques unibletats.
Ten te cacha cacha (quicha quicha).
T'i cal esfar.
Siás tu siás tu als aliscamps òsca òsca
Ah valent que siás..
A Carcassona, lo divendres 9 de juli, rendètz-vos de vèspre (15h30-18h) a 200 m de l'arribada (crosament baloards Sarraut e Varsovia), facial al Collège del Bastion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari