Actualitats
Eswatini: de protèstas contra la monarquia
Fòrça abitants d’aquel pichon reialme enclavat manifèstan contra l’absolutisme de Mswati III. La repression i es particularament violenta
Tèxte legit
Dempuèi lo 20 junh passat, de nombroses abitants d’aquel pichon reialme enclausat entre Moçambic e l’Africa del Sud an manifestat contra lo regim absolutista de lor sobeiran, lo rei Mswati III. Primièr de natura pacifica, las manifestacions son estadas durament reprimidas per las autoritats del reialme. D’observaires internacionals an notats los nombroses pilhatges qu’an luòc dins lo país. Lo govèrn a instaurat un cobrifuòc nacional per conténer los recampaments.
La repression es estada particularament violenta. Se la polícia del reialme a pas comunicat sul bilanç d’aquestes jorns, l’oposicion, dont lo Partit Comunista e lo partit Pudemo, anóncia 15 mòrts per bala, mai de 500 nafrats e 300 arrestacions dempuèi diluns.
Las comunicacions son interrompudas; Internet e lo telefòn son pas pus disponibles pels mèdias. Suls rets socials, mai que mai sus Twitter, l’etiqueta #eSwatiniProtests parteja de vidèos que mòstran la brutalitat de las fòrças de l’òrdre.
D’opausants al regim especulan a prepaus de la fugida del rei, e mai lo Partit Comunista assegura qu’es partit a Johannesburg. De fonts oficialas asseguran que lo rei es a trabalhar dins son palais, coma d’abitud.
Un regim autoritari dins un país fòrça paure
Mswati III regna sul país dempuèi 35 ans. Son regim es de natura absoluda. D’efièch, los partits politics son enebits e lo primièr ministre es dirèctament nomenat pel monarca. Mentre que lo monarca es reputat per son fast (possedís fòrça veituras de colleccion e sa renda representa l’8% del budget nacional), Eswatini es un dels païses pus paures del Mond. Un quart dels abitants serián atenches pel virus de la sida e l’esperança de vida supèra a pena los 50 ans.
Ruben Castellnou
La repression es estada particularament violenta. Se la polícia del reialme a pas comunicat sul bilanç d’aquestes jorns, l’oposicion, dont lo Partit Comunista e lo partit Pudemo, anóncia 15 mòrts per bala, mai de 500 nafrats e 300 arrestacions dempuèi diluns.
Las comunicacions son interrompudas; Internet e lo telefòn son pas pus disponibles pels mèdias. Suls rets socials, mai que mai sus Twitter, l’etiqueta #eSwatiniProtests parteja de vidèos que mòstran la brutalitat de las fòrças de l’òrdre.
D’opausants al regim especulan a prepaus de la fugida del rei, e mai lo Partit Comunista assegura qu’es partit a Johannesburg. De fonts oficialas asseguran que lo rei es a trabalhar dins son palais, coma d’abitud.
Un regim autoritari dins un país fòrça paure
Mswati III regna sul país dempuèi 35 ans. Son regim es de natura absoluda. D’efièch, los partits politics son enebits e lo primièr ministre es dirèctament nomenat pel monarca. Mentre que lo monarca es reputat per son fast (possedís fòrça veituras de colleccion e sa renda representa l’8% del budget nacional), Eswatini es un dels païses pus paures del Mond. Un quart dels abitants serián atenches pel virus de la sida e l’esperança de vida supèra a pena los 50 ans.
Ruben Castellnou
Soldiering on #EswatiniProtestspic.twitter.com/6CXvCOwMzO
— Thoba Mdluli (@MdluliThoba) July 3, 2021
"A child who is not embraced by the village will burn it down to feel its warmth.” ~ African Proverb #EswatiniProtests#eSwatini pic.twitter.com/DPmrmOzxx5
— Mzilikazi wa Afrika (@IamMzilikazi) June 30, 2021
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Preferissi la Republica democratica de Congo
Plan mercés Jornalet, coneishiái pas aqueste país…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari